277 clericus dicte diocesis, dev. vestros abbatem et conventum ac Benedictum, monachum eiusdem monasterii ... ad ipsius ecclesie regimen deputatum, in Romana curia coram ... domino Johanne de Opiczis, vestri s. palacii apostolici causarum auditore, traxit in causam, qui servandis servatis per suam absolutoriam dictum Benedictum ab impeticione prefati Johannis sentenciam absolvit, a qua per eundem Johannem appellato et causa appellacionis... domino Wilhelmo Maligeneris, eciam auditori, commissa, qui eciam... in eadem causa procedens, per suam confirmatoriam sentenciam dicti domini Johannis auditoris sentenciam confirmavit, que nulla appellacione suspensa in rem transivit iudicatam. Ut super hiis dicti monasterii statui et indempnitatibus oportune consulatur, supplicant St Vre abbas et conventus prefati, quatenus ad eos et dictum monasterium paternum convertentes intuitum ac unionem ... et incorporacionem predictas et quecunque inde secuta rata et grata habentes, illa ex certa sciencia confirmare et approbare necnon valida et efficacia perinde in omnibus et per omnia, ac si in dictis litteris, quod fructus etc. ecclesie predicte decem marcharum argenti... valorem annuum non excedunt quodque ipsi abbas et conventus illam per triginta annos et ultra dumtaxat tenuerunt, fuisset expressum, censeri debere, decernere et, in quantum opus fuerit, ipsam ecclesiam, de qua sub certis modis et forma dev. vestro Nicolao Cloden, clerico Brandeburgensis diocesis, per eandem Stem Vram concessum fuit provideri et qui huiusmodi concessionis gracie renunciare proponit, monasterio predicto ... de novo imperpetuum unire et annectere et incorporare dignemini. Non obstantibus ... Fiat ut petitur O. Datum Florencie pridie id. Junii a. tercio. R. Suppl. 143 (lib. X de vacant. per fiat a. tercio), fol. 132'—133' - In marg.: Strigoniensis — Rep. Germ. IV, col. 295 - Conf. num. 409, 418, 420 631. Venceslaus, praepositus monasterii in [ Dolní] Kounice, supplicat, ut sibi suisque successoribus consecrandi et benedicendi calices atque alia ad ministerium altaris necessaria facultas concedatur. Florentiae, 1420 Junii 12. B. p. Cum dev. oratoribus vestris prepositis monasterii monialium in Cunicz pro tempore existentibus ordinis Premonstratensis Olomucensis diocesis per prepositum professum eiusdem ordinis et abbatissam soliti gubernari ex concessione apostolica indultum existat, ut mitra et aliis insigniis pontificalibus uti et benediccionem solemnem facere possint, et nonnunquam propter viarum discrimina ad episcopum aut eius in pontificalibus vicesgerentem non patet tutus accessus pro consecrandis calicibus, ornatis, casulis, cappis, dalmaticis, libris et aliis vestimentis ad ministerium altaris pertinentibus, ex quorum defectu contigit plerumque cultum et divinum officium in dicto monasterio diminui, supplicat ... dev. orator vester Wenceslaus, prepositus modernus monasterii predicti, quatenus sibi et successoribus suis, dicti monasterii prepositis pro tempore existentibus, ut calices, libros ... et alia ad ministerium altaris in suo monasterio dumtaxat necessaria consecrare et benedicere possint et valeant, concedere et indulgere dignemini... Fiat de benediccione vestimentorum seu mapparum O. Datum Florencie pridie id. Junii a. tercio. R. Suppl. 143 (lib. X de vacant. per fiat a. tercio), fol. 229—229° - In marg.: Spoletanus 632. Ludovicus, in camerariatus officio locumtenens, [Fernando], episcopo Lucensi et in regno Bohemiae apostolicae sedis legato, committit, ut a Stephano de Staňkov, quem Martinus papa V. eiusdem sedis nuntium et collectorem in regno Bohemiae constituit, iuramentum fidelitatis recipiat. Florentiae, 1420 Junii 18. Rev. in Christo patri domino...episcopo Lucensi, in regno Bohemie apostolice sedis legato, Ludovicus etc. salutem etc. Cum nuper... dominus Martinus ... papa quintus ... dominum Stephanum de Stankow, canonicum Pragensem, licet absentem, suum et sedis apostolice in regno Bohemie predicto nuncium ac