55 B. p. Dudum rev. patri domino Johanni, episcopo Ostiensi, s. Romane ecclesie cardinali et vicecancella- rio, cum adhuc potestate vicecancellariatus sibi a sacro Constanciensi concilio tradita fungeretur, exposito in hec verba, videlicet: Reverendissime pater, quamquam dev. vester Nicolaus Czeyselmeyster, decretorum doctor, s. Petri Wissegradensis prope Pragam necnon Pragensis ecclesiarum canonicatus et prebendas ac Hartungus Molitoris aliam prebendam canonicalem eiusdem Pragensis ecclesie, quos tunc iidem obtinebant, auctoritate ordinaria permutarunt et ipsos assecuti fructus hincinde perceperunt ex eisdem, idem tamen Hartungus, pretendens canonicatum et prebendam s. Petri predictos tempore permutacionis huiusmodi fuisse et esse litigiosos, causam pretense nullitatis predicte ... domino Jacobo, electo Pennensi, s. palacii apostolici causarum auditori, committi obtinuit, qui electus in dicta causa demum taliter qualiter procedens, ipsam permutacionem nullam et invalidam cum condempnacione expensarum et ipsum Hartungum ad suos canonicatum et prebendam restitui pronunciavit. Unde pro parte ipsius Nicolai ad sedem apostolicam appellatum et causa appellacionis commissa ... domino Johanni Abeczer, electo Warmiensi, extitit, qui dictam sentenciam ipsius electi una cum condempnacione expensarum, ut dicitur, confirmavit. Unde similiter appellato, causa appellacionis huiusmodi ... domino Johanni, patriarche Constantinopolitano, commissa extitit. Ne igitur ... prefatus dominus Nicolaus in huiusmodi causa finaliter defraudetur et utraque prebenda utrobique frustrari taliterque dampnificari videatur, supplicat ... humiliter idem Nico- laus, quatenus attento, quod idem Nicolaus unam de duabus insimul in huiusmodi permutacione dimissis alteram earundem repetat prebendam, eidem ... domino patriarche committere dignemini et mandare, ut de premissis summarie, simpliciter et de plano ac sine strepitu et figura iudicii sola facti veritate inspecta se informet et, si ex actis cause vel alias de premissis constiterit, quod inter ipsos permutantes servetur equalitas, casu quo dictum dominum patriarcham dictas pretensas sentencias fore confirmare debere videretur, eciam dominum Nicolaum predictum primo et ante omnia sentencialiter ad suos priores canonicatum et preben- dam s. Petri Wissegradenses, ipsorum iurium et pertinenciarum omnium eorundem possessionem realem, actualem et corporalem ac in pristinum et eum statum, in quo tempore huiusmodi ipsarum permutacionum extiterat, reponat et restituat reponique et restitui mandet in contrarium facientibus non obstantibus quibuscunque... Que quidem commissio sic signata reperitur: Audiat idem dominus patriarcha, restituat etc., ut petitur, in eventum predictum et iusticiam faciat. Verum ... dictus dominus patriarcha virtute dicte commissionis procedens, dictas duas sentencias diffinitivas pro dicto Hartungo ... per terciam suam sentenciam confirmavit et cum hoc dictum Nicolaum exponentem per aliam sentenciam ad eosdem canonicatum et prebendam Wissegradenses restituit. A qua alia appellato et causa commissa... domino episcopo Concordiensi, coram quo ad sentencie prolacionem exclusive est processum, cuius statum dignemini habere pro expresso. Et licet dicti Hartungi non intersit, quominus ipse Nicolaus ad ipsos canonicatum et prebendam restituatur, tamen ipse cum dicta sua pretensa appellacione et eius prosecucione nititur eundem Nicolaum, quominus dicta sentencia restitucionis pro ipso Nicolao lata suum sorciatur effectum, impedire, prout hucusque impedivit. Attento, quod rescisa dicta permutacione ipse eosdem retinere non possit, attento eciam, quod dictus Hartungus per dictum dominum patriarcham non fuit condempnatus in expensis, credens eundem Hartungum propterea desistere debere, illo non obstante desistere recusavit eundem Nicolaum, ut prefertur, impediendo et secundum aliquos asserendo, quod ad signaturam dicte commissionis potestas dicti domini vicecancellarii ex forte, quod in publico consistorio proposita non fuerit, se non extendat. Quare cum exinde dicta sentencia sit lata et cum dicta commissio sit iuste concessa, dignetur Stas Vra committere et mandare eidem domino Concordiensi, quatenus, si alias sibi constiterit dictam commissionem de iure vel equitate fuisse concedendam seu dicti Hartungi non interesse, ulterius procedat in huiusmodi causa perinde, ac si premissa non obstarent..., et nichilominus eciam ad cautelam eidem Nicolao de eisdem canonicatu et prebenda de novo provideat et eosdem conferat. Non obstantibus quibusdam aliis beneficiis, videlicet archidiaconatu Horssoviensi in ecclesia Pragensi, quem obtinet et qui curatus est, cuius triginta, ac dictis canonicatu et prebenda Wissegra- densibus, quorum duodecim, ac quod eidem Nicolao de canonicatu et prebenda ecclesie Wratislaviensis per provisum extititl), quorum fructus etc. tredecim marcharum argenti... valorem annuum eandem Stem Vram