385 et auditurae contra eas procedi, prout iustitia ministrabit, et contra praedictas personas earumque fautores, adhaerentes et sequaces procedendi, ipsosque processus, quotiens opus erit, aggravandi et reaggravandi, sententias promulgandi, ipsasque personas, si forsan magnates, principes et potentes fuerint, suis ducatibus, dominiis, provinciis, civitatibus et locis, quae possident, privandi ac privatas declarandi illaque subiciendi ecclesiastico interdicto, nec non contra eas quorumcumque regum, ducum, principum et aliorum fidelium saecularis brachii auxilium invocandi ipsasque per censuram ecclesiasticam et alia iuris remedia compescendi, et nihilominus omnes et singulos comites, barones et milites etc., qui talibus personis auxilia impendentibus eisdem haereticis et fautoribus eorundem iuramento fidelitatis seu ligii, homagii aut cuiuscumque alterius obsequii vel alio pacto prius obnoxii tenebantur, eadem auctoritate absolvendi et iuramenta praestita relaxandi, nec non archiepiscopis, episcopis et abbatibus ceterisque ecclesiarum et monasteriorum praelatis ac parochiali- um ecclesiarum rectoribus mandandi, ut in eorum ecclesiis personas, fautores et sequaces praedictos excommu- nicatos, sacrilegos ac persecutores christianae fidei publice nuntient et ab omnibus arctius evitari faciant, donec a papa absolutionis beneficium meruerint obtinere, et in praemissis omnia faciendi, quae pro defensione fidei et exstirpandis haeresibus de regno et partibus praedictis noverit pro futuro, facultas conceditur. — „Regimini universalis ecclesie disponente domino presidentes“— „Datum Rome apud s. Petrum quartodecimo kal. Maii pontificatus nostri a. quinto. Romae, 1422 Aprilis 18. R. Vat. 354 (Mart. V. De curia a. IV.-VI.), fol. 73'-74' — Supra: (sin.) B. de Montepoliciano; (dext.) De curia — In fine: (sin.) Coll. per me Ay. Gervasii; (dext.) R. de Valencia 940. Johannes Weiswasser, rector parochialis ecclesiae in Velvary Pragensis dioecesis, supplicat, ut lapsu temporis non obstante litterae novae provisionis de archidiaconatu ecclesiae Olomucensis sibi concessae per cancellariam apostolicam expediantur. Romae, 1422 Aprilis 22. sub data id. Julii pontificatus sui anno tercio dev. vestro Johanni Weyswasser, B. p. Dudum Stas vra rectori parrochialis ecclesie in Welwar Pragensis diocesis, cuius fructus etc. decem et octo marcharum argenti ... valorem annuum non excedunt, de archidiaconatu ecclesie Olomucensis, cuius fructus etc. septem marcharum argenti simili extimacione etc., quem tunc ex collacione auctoritate ordinaria assecutus extitit, graciose concessit de novo provideri.1) Et licet pro parte dicti Johannis ad Romanam curiam pro expedicione litterarum super huiusmodi nova provisione conficiendarum nuncius cum florenis et potestate sufficienti missus et diligencia facta in tempore fuisset, creditur tamen, prout verisimiliter presumendum est, quod ipse nuncius, qui post eius ab illis partibus recessum non comparuit, fuerit a Wicleffistis et Hussitis hereticis in regno Boemie apprehensus et tandem ibidem vita functus, interim super eadem concessionis gracia litteris minime confectis. Cum autem ... idem Johannes bonis suis aliis per dictos hereticos spoliatus existit, quare supplicatur humiliter pro parte dicti Johannis, ne propter lapsum temporis de expediendis huiusmodi litteris super hoc editam ipsius concessionis gracie penitus frustretur effectu, iuxta constitucionem eiusdem Stis Vre quatenus attentis premissis prefatas litteras per cancellariam apostolicam iuxta tenorem peticionis etc. expediri mandare dignemini huiusmodi lapsu temporis ceterisque contrariis non obstantibus quibuscunque . . . Fiat ut petitur O. Datum Rome apud s. Petrum decimo kal. Maii a. quinto. R. Suppl. 162 (lib. V de vacant. per fiat a. quinto), fol. 295' - In marg.: prothonotarius de Castellino — 1) Vide num. 647 - Conf. etiam num. 794 941. Albertus Varentrapp, artium et decretorum doctor, supplicat, ut omnes sententiae et censurae, quae in causis per ipsum adversus Johannem de Třemošnice et Fredericum Deys motis et in palatio apostolico ventilatis