332 793. Abbas et conventus monasterii s. Petri in Vilémov supplicant, ut parochiales ecclesiae s. Mariae in Vilémov intra muros monasterii et in Valeč Pragensis et Olomucensis dioecesis, quae de iure patronatus dicti monasterii existunt, eidem monasterio incorporentur. Romae, 1421 Augusti 29. B. p. Exponitur Su Vre pro parte dev. vestrorum abbatis et conventus monasterii s. Petri in Wilemow Pragensis diocesis ordinis s. Benedicti, quod monasterium ipsum et illius ecclesia solempni et sumptuoso edificio sunt exstructa, in quo preter novicios et conversos aliasque personas diversis obsequiis inibi deputatas circa duodecim aut quindecim sunt monachi presbiteri divino cultui vacantes, propter varietates ipsius ac guerras, retroactis et modernis temporibus que vigent in regno Bohemie, et presertim propter Hussitarum turbaciones, quas modo monasteriis et locis religiosis inferunt ipsa, ubi valent, funditus exurentes et devastantes, dicti abbas et conventus ultra solitum pro conservacione dicti monasterii et ipsarum personarum in magna quantitate gentem armorum ad tenendum sunt coacti, et licet ad premissa fructus et proventus eiusdem non sufficiant, clenodia dicti monasterii, videlicet cruces, monstrancias et calices aureos et argenteos ac alia ecclesiastica preciosa ornamenta fere omnia vendere et possessiones et villas eiusdem monasterii quamplures impignorare similiter sunt coacti. Considerantes eciam, quod pacifica- to dicto regno a turbacionibus iam dictis debita per eos contracta evadere et clenodia taliter vendita non valebunt restaurare sine auxilio Suis Vre speciali, pro parte igitur predictorum abbatis et conventus supplica- tur Su Vre, quatenus ecclesias parrochiales de eorum iurispatronatus existentes, videlicet s. Marie in Wilemow intra muros monasterii Pragensis diocesis et in Walcz Olomucensis diocesis, et quarum vigintisex, prefato monasterio, cuius ducentarum marcharum argenti puri fructus... valorem annuum non excedunt, auctoritate apostolica et imperpetuum unire et incorporare dignemini graciose, ita quod cedentibus vel decedentibus rectoribus ipsarum ecclesiarum, qui nunc sunt, vel ipsas alias quomodolibet dimiserint simul aut successive, liceat prefatis abbati et conventui corporalem ipsarum parrochialium ecclesiarum possessio- nem recipere ... et quamlibet ipsarum per unum ydoneum dicti monasterii monachum aut presbiterum secularem pro solo nutu abbatis dicti monasterii pro tempore existentis ponendum et amovendum..., qui parrochianorum curam animarum gerant et inibi deserviant laudabiliter in divinis, regi facere diocesani loci et cuiuscunque alterius licencia super hoc minime requisita, iuribus tamen episcopalibus et archidiaconi loci in omnibus semper salvis, constitucionibus et ordinacionibus apostolicis et aliis contrariis non obstantibus quibuscunque ... Fiat de consensu O. Datum Rome apud s. Mariam Maiorem quarto kal. Septembris a. quarto. R. Suppl. 154 (lib. VIII de vacant. per fiat a. quarto), fol. 19'-20 - In marg.: Cretensis - Conf. num. 813 794. Nicolaus Gramus [ de Hotzenplotz (Osoblaha) ], canonicus Olomucensis, supplicat, ut sibi de archidiaco- natu ecclesiae Olomucensis provideatur. Romae, 1421 Augusti 29. Supplicat S' Vrdev. vester Nicolaus Gramus, canonicus Olomucensis, quatenus sibi de archidiaconatu ecclesie Olomucensis, qui dignitas curata et secundum aliquos electiva reputatur, non tamen maior post pontificalem existit, vacante per mortem quondam Andree de Brodatheutonicali, ultimi eiusdem possessoris extra Romanam curiam defuncti, cuius fructus etc. octo marcharum argenti ... valorem annuum non excedunt,... dignemini misericorditer providere.1) Non obstantibus, quod idem Nicolaus canonicatus et prebendas Olomucensis et Wratislaviensis ecclesiarum obtinet, quorum quidecim, ac parrochiali ecclesia in Novakatholica, de qua extitit spoliatus, necnon altari s. Marthe sito in ecclesia Pragensi, super quo in sacro palacio apostolico dinoscitur litigare, quorum eciam fructus etc. vigintiunius marcharum argenti... valorem annuum non excedunt, secumque, ut huiusmodi archidiaconatum una cum dicta parrochiali ecclesia in Novakatholica aut cum eorum altero quodcunque aliud beneficium ecclesiasticum curatum seu alias incompatibile ..., si sibi alias canonice conferatur vel assumatur ad illud, libere recipere et per