312 plenius continetur.1) Cupientes itaque, ut huiusmodi legacionis officium ad gloriam et laudem divini nominis et salutem fidelium animarum eo facilius exequaris, quo ampliori te noveris per sedem apostolicam facultate munitum, directis in celum oculis ad illum, cuius res geritur, divinum et humanum presidium invocantes, ut huiusmodi adiuti presidiis eorundem hereticorum audaciam, nisi se ad Christum converterint, cohercere et comprimere valeamus, omnes et singulos reges, marchiones, principes, barones, comites, capitaneos, magi- stratus et quoslibet alios officiales eorumque locatenentes, communitates quoque et universitates civitatum, terrarum et opidorum, castrorum, villarum et aliorum quorumcunque locorum ceterosque christiani nomi- nis zelatores status et religionis cuiuslibet, ubilibet dominantes et constitutos, rogamus et hortamur ac per aspersionem sanguinis eiusdem gloriosissimi redemptoris paternis affectibus obsecramus in suorum remissi- onem peccaminum suadentes, ut ad Hussitarum, Wiclefistarum et aliorum hereticorum prefatorum subver- sionem et exterminium et ad impendenda tibi contra nos profutura suffragia, quibus huiusmodi negocii prosecucio feliciter adiuvetur, potenter atque viriliter se accingant, quos spiritualibus donis, indulgenciis videlicet et remissionibus, de ipsorum fratrum consilio providimus invitandos. Quocirca circumspeccioni tue per apostolica scripta committimus et mandamus, quatenus tu per te vel ven. fratres nostros patriarchas, archiepiscopos et episcopos ac dd. ff. electos, administratores, abbates, priores aliosque ecclesiarum et monasteriorum prelatos et ceteros christiane religionis professores ubilibet residentes, quos tibi adiutores super hiis duxeris eligendos, quociens per te vel deputandos a te contra hereticos prelibatos exercitum convocari vel expedicionem aut quamvis ordinacionem fieri contigerit, ad premissum tam salubre negocium prosequendum veluti precones fortes exaltando in ipso crucis nomine voces vestras in singulis civitatibus, diocesibus atque locis, ubi congrue prospexerit, iuxta datam tibi et illis a deo providenciam quibuscunque christifidelibus ad id audiendum confluentibus, quibus vere penitentibus et confessis, ut ad id libencius inducantur, pro vice qualibet accessus eorum centum dies de iniunctis eis penitenciis per te vel illos, quibus id commiseris, ut prefertur, auctoritate apostolica relaxentur, verbum crucis eiusdem ac ipsius admirabile signum publice proponere et publicare procures ac ipsi patriarche, archiepiscopi, episcopi, electi, admini- stratores, abbates et alii, quos elegeris, catholici sacerdotes studeant et procurent, illudque fidelibus ipsis id devote suscipientibus aut suscipere volentibus, tuis ac ipsorum eligendorum exhortacionibus ac oportunis monicionibus previis, ut cum debita reverencia tam gloriosum signum recipiant illudque contra conatus atque perversa molimina eorundem hereticorum suis cordibus imprimant et negocium huiusmodi fidelibus ac ferventibus animis prosequantur, eadem auctoritate libere concedas et ipsi eligendi concedant, eorumque humeris affigas et affigant. Nos enim ab intimis nostris affeccionis precordiis, ut toti orbi innotescat, quanta mentis nostre amaritudine sustinemus contra gregem Christi talia perpetrari, tantisque insolenciis et enormibus facinoribus, quantum cum deo possumus, obviantes, et ut fideles ipsi ad id eo fervencius animentur, quo uberiorem graciam exinde se noverint percepturos, de omnipotentis dei misericordia et bb. Petri et Pauli, apostolorum eius, auctoritate confisi et illa, quam nobis deus, quamquam inmeritis, ligandi atque solvendi contulit potestatem, eisdem fidelibus, qui crucis eiusdem signo suscepto per et infra illud tempus, quod per te vel alium in huiusmodi predicacione eis duxeris prefigendum, et quociens pro extirpacio- ne eorundem heresum ad te vel quo fideles ipsos contra eosdem hereticos destinando transmiseris veniendo prefato exercitui in personis propriis interfuerint et expensis, quique, ut illis interessent, sine fraude iter arripuerint, si in ipso fuerint itinere vita functi, plenam suorum peccaminum, de quibus corde contriti et ore confessi extiterint, veniam impartimur et in retribucione iustorum salutis eterne policemur augmentum, eisque, qui non in personis propriis illuc accesserint, sed ipsorum dumtaxat expensis iuxta suarum faculta- tum qualitatem et exigenciam ydoneos destinaverint bellatores, ac illis, qui licet alienis expensis, propriis tamen adierint in personis, plenam suorum concedimus veniam peccatorum. Ceteris vero, qui in personis propriis interesse et propter inopiam suis expensis alios destinare nequiverint, dummodo huiusmodi durante persecucione negocii in ieiuniis et oracionibus perseverent suppliciter exorando, quod altissimus dignetur ipsis fidelibus contra ipsos hereticos victoriam elargiri, sexaginta dies de iniunctis eis penitenciis misericordi- ter relaxamus; huiusmodi quoque remissionis volumus et concedimus esse participes iuxta quantitatem subsidii et devocionis affectum eos omnes, qui durantibus expedicione et exercitu supradictis pro huiusmodi consumacione negocii congrue ministraverint et circa illud consilium et auxilium impenderint oportuna.