311 733. Eidem conceditur, ut officium apostolicae sedis legati de latere sibi eodem die commissum etiam per universam Germaniam eiusque provincias exsequi valeat. Romae, 1421 Aprilis 13. Eidem salutem etc. Hodie siquidem pro defensione catholice fidei ac extirpandis ex agro dominico damnabilium heresum et errorum vepribus, qui mentes fidelium infecerunt, reduccione quoque salute et pace oberrancium populorum ad gremium ecclesie militantis te ad regnum Bohemie necnon marchionatus Moravie et Misnensem eorumque provincias, civitates, terras et loca Wicleffistarum et Hussistarum heresi- bus falsisque doctrinis polluta nimium et infecta, tibi plene potestatis legati de nostro latere officium committendo, de fratrum nostrorum consilio tanquam pacis angelum providimus destinandum, prout in aliis nostris desuper confectis litteris plenius continetur.1) Cum autem, sicut nuper ad audienciam nostram fidedignorum insinuacione pervenit, huiusmodi pestifere hereses non solum regnum et marchionatus predic- tos infecerint, verum eciam in plerisque aliis partibus, civitatibus, terris et locis Germanie paulatim serpere et pullulare incipiant..., circumspeccioni tue, quod per universam Germaniam eiusque provincias... plene potestatis legati de latere libere fungaris officio, iuxta nostrarum litterarum seriem ... concedimus per presentes, sic tamen, quod clerus illarum Germanie parcium, cum tibi sit aliunde provisum, nullatenus propterea per te in procuracionibus exigendis... oneretur... Datum Rome apud s. Petrum id. Aprilis pontificatus nostri a. quarto. R. Vat. 353 (Mart. V. De curia a. III. — V.), fol. 148'-149' - Supra: (sin.) J. de Templis; (dext.) De curia — In fine dext.: F. de Vellate - Eodem die supradicto Brandae cardinali, apostolicae sedis legato, variae facultates sunt concessae, quae in fol. 149'-170" eiusdem libri registrorum (R. Vat.) registratae reperiuntur. Litterae, quibus hae facultates conceduntur, omnes „Rome apud s. Petrum id. Aprilis pontificatus nostri a. quarto“ datae sunt. — Rep. Germ. IV, col. 281 - 1) Vide num. proxime praecedentem 734. Eidem convocandi per ipsum vel ecclesiarum et monasteriorum praelatos ac ceteros christianae religionis professores, quos sibi adiutores duxerit eligendos, ad subversionem et exterminium Wiklefistarum, Hussitarum aliorumque haereticorum exercitum vel expeditionem mandatur nec non indulgetur, ut omnibus christifidelibus contra praefatos haereticos bellaturis indulgentias auctoritate apostolica elargiri valeat. Romae, 1421 Aprilis 13. D. f. Brande, tit. s. Clementis presbitero cardinali, apostolice sedis legato, salutem etc. Redemptoris omnium domini ... Considerantes igitur iniquitatis alumpnos Wiklefistas et Hussistas aliosque hereticos et infideles, qui vere salutis semitam deserentes christiane religionis persecutores acerrimos sese reddunt, quique falsis et insanis dogmatibus ac dampnatis erroribus heresumque fomentis orthodoxam fidem evertere molientes universum regnum Bohemie et partes illi conterminas infecerunt, ac cupientes illorum temeritati, quantum cum deo possumus, obviare, fidelis milites Christi pugiles, athletas vivifice crucis, qua nos a dampnacione redemit, caractere insignitos contra prefatos hereticos duximus excitandos, ut hereticos ipsos, qui eciam dei timore postposito ecclesias, monasteria et alia pia loca, in honorem Christi Virginisque gloriose, apostolorum, martyrum et confessorum dedicata, eorumque ymagines concremant et evertunt et fidem catholicam, presertim in nacione Germanica, delere moliuntur, a nequissimis eorum propositis et insultibus, quibus in christianum sanguinem et catholicos sacerdotes sepenumero debacantur, non solum spiritualibus, verum eciam temporalibus convocatis presidiis possimus auctore domino cohercere. Hodie siquidem pro succidendis ex agro dominico vepribus pestiferis et nocivis et quibuscunque perversis erroribus de hereticorum ipsorum mentibus extirpandis, illorumque salubri reduccione ad gremium sancte matris ecclesie, ut ad cor reversi ab huiusmodi resipiscant erroribus, quibus gregem ipsum seducere et inficere moliuntur, et, si in eorum obstinacione et malignitate permanserint, evertantur, te ad regnum prefatum necnon marchionatus Moravie et Misnensema) eorumque provincias, civitates, terras et loca eisdem heresi- bus et erroribus polluta, tibi plene potestatis legati de latere officium committendo, de fratrum nostrorum consilio tanquam pacis angelum providimuss) destinandum, prout in aliis nostris desuper confectis litteris