631 wellen wir ew denn furderleich bei vnserselbs potschaft, vnser antwûrtt tûn, vnd pitten ew mit fleiss, daz ir die zeit in allen sachen ewr pestes tût, als wir ew des sunder wol getrawn. Daran erczaigt ir vns ein sunderliebe gevallnuss. Geben ze Wienn an freitag nach sant Barnabas tage, anno oc. vicesimo octavo. D. dux per magistrum curie. Den erbern, weisen, vnsern lieben getrewn, dem burgermaister, dem richter vnd dem rate zu dem Budweis. 532. 1428, Jun. 20 (Wien). Herzog Albrecht von Österreich an die Budweiser: er werde sie nächstens mit einem Hauptmann und mit Volk „fürsehen", deshalb sollten sie den Richter und einen Rathsmann zu ihm nach Wien schicken. (Orlg. Im Budweiser Stadtarchiv.) Albrecht von gotes gnaden herczog ze Österreich vnd markgraf ze Merhern oc. Erbern, weisen vnd lieben getrewn. Als ir vns yecz zu zwainmaln ewr geprechen geschriben, vnd begeret habt, ew mit einem haubtmann vnd volk furczesehen oc. das haben wir wol vernomen, vnd lassen ew wissen, daz wir vnser lantleut von Österreich yecz haben her zu vns geuordert, vnd ainer ordnung mit in sein überain worden, also daz wir ein merkliche summ volks haben werden, damit wir vnser land ze Österreich, ew, vnd ander vnser vndertan desterpas beschirmen vnd fürgesehen, vnd den veinden widersteen mügen, vnd wellen auch ew in kurcz mit ainem haubtman vnd volk fursehen. Dauon bitten wir ew mit sunderm vleiss, daz ir nicht verwarttet, vnd den richter vnd ainen des rats mit im fürderleich her zu vns schikhet, mit den wellen wir vns aus ettlichen sachen vnderreden; vnd daz ir auch in allen andern sachen ewr pests tût, als wir ew des sunderwol getrawn, das wellen wir in sundern gnaden gen ew erkennen. Geben zu Wienn, an suntag nach sand Veits tag, anno oc. XXVIII. D. d. in consilio. Den erbern, weisen, vnsern lieben getrewn, dem burgermaister vnd dem rate zum budweis.