108 remus. Nos ipsum usque ad istas partes transtulimus pro causa tam pia cum multo labore; illustrissimique principes, domini electores imperii, prout in literis ipsorum videbitis, se et sua ac copiosum exercitum præparant in servitium Christi. Vos tam- quam fideles et milites Christi ac catholicæ fidei athletas etiam requirunt, ut juxta vires vestras et potestatem a domino vobis collatam huic operi tam salubri auxilium impendatis. Ideoque devotionem vestram exhortamur in domino et quantum possumus deprecamur, quatenus omnem favorem vobis possibilem prædictis principibus exhibeatis, ut citius fideles ab illorum hæreticorum nequitia liberentur. Ex hoc enim præter meritum, quod pro honore Christi laborando vobis debetur, plenam remissionem omnium peccatorum vestrorum auctoritate domini nostri papæ acquiretis. Nam ut securius fideles se ad hoc opus impendant, præfatus dominus noster omnibus personaliter accedentibus et salutari signo crucis ad hoc opus signatis, sive alias ad expensas proprias pro modo et convenientia suarum facultatum mitten- tibus, et etiam sic missis et recto proposito iter arripientibus, etiamsi in via decederent, plenam remissionem omnium pecca- torum suorum apostolica auctoritate concessit. Igitur expedit, quod omnino vos ad hoc favorabiles præbeatis, ne sine fructu prætereat vos tanta occasio meritorum, vosque, qui christiano nomine estis insigniti, fideles esse christianos, progenitorum ve- strorum more, hoc præsertim necessitatis tempore, cum opere demonstretis. Datum Vesaliæ Treverensis diocesis, MCCCCXXI" indictione XIV, pontificatas præfati domini nostri papæ Martini anno quarto, die vero Sabbati, ultima mensis Maii. 110. 1421, Jun. 5 (Köln). Der Cardinallegat Branda schreibt vor, wie in allen Kirchen Deutschlands das Kreuz gegen die Hussiten zu verkünden und welche Ceremonien und Gebete um den Sieg der Kreuzfahrer und bei Annahme des Kreuzes so wie bei Ertheilung der Ablässe u. dgl. zu verrichten sind. (Andreae Ratisbon. Supplementa fol. 387—89.) Reuerende in Christo pater et domine amice noster di- ecte. Ex debito legacionis officii per sedem apostolicam nobis