193 178. 1422, Apr. 25 (Breslau). Bischof Konrad von Breslau an den Hochmeister in Preussen (Paul von Russdorf): zeigt ihm an, dass er das ihm vom Könige übertragene Amt der Ober-Hauptmannschaft von Schlesien so eben angetreten habe, und ermahnt ihn, des Königs Weisungen nachzukommen oc. (Grünhagen 1. c. n. 30, aus d. Orlg. in Königsberg.) Erwirdiger grosmechtiger besundir forderlicher gonner, wir tuen euch zu wissen, das wir von unserm gnedigen hern dem romischen kunige oc. vornomen haben, wie das her euch ernst- lich geschrebin und bevolen hette euch zu bereiten zu sulchen sachen, als her euch die geschrebin hat, das wir horen, das ir euch noch seiner vorschreibunge und bevelunge noch nicht also dorczu geschickt habt, als das zumole wol notdurft were, des wir uns beforen, das euch ein ungelimpen dovon kein nnserm gnedigen hern dem konige enstehen mochte, das uns gancz leit were als eyme sulchin, der euch und ewerm orden allewege gerne libe tut und bestes suchet vnd gedey und ewern ungedey bewaret, habt ir das nicht getan, das ir das noch endet und vollbrenget. Ouch tuen wir euch zu wissen, das uns unsir gne- diger herre der kunig das ampt der houptmanschafft obir alle fursten in der Slesie und lande bevolen hat, und zu houptman gemacht hat und ouch zu houptmanne der stat Breslaw und der lande, do wir heute sint ufgenomen, und haben die ingenomen, dovon wir euch ouch fruntschaft liebe und forderunge tuen mogen, und wellen ap got wil mit ganczem fleisse noch alle unserm vormogen und beten euch ouch mit sunderlichem gan- czem fleisse, das ir euch unsern bruder bevolen wellet haben, und em forderunge fruntschaft liebe und forderunge mit gutem willen irczeigen wellet umbe unsern willen, als ir das vormols als geton habt, und nu ap got wil forderlicher tuen werdet, sintmols euch got der almechtige in grosser wirdekeit und gros- mechtigkeit gesaczt hat, sulcher wirdikeit wir uns ouch aus ganczem herczen frewen und fro sein vor euch. Ouch tuen wir euch czuwissen, das wir mit den fursten in der Slesie nu czu eim tage sein werden zur Neisse von mitwoch obir virczentage 13