629 bracht habin. Vnd wie wir jn vorder wedirstehen vnd vns in schutzunge wedir sie setzin vnd sulche smocheit vnd lesterunge rechen möchtin. Vnd dorumb so habin wir vns mit eintrech- tigem Rathe vnsir eldisten oc. voreinet oc. das wir eynander getrülich helffen leysten oc. (Ad margin.) „Begriffen vnd sich voreynit vor vnserm h. dem Bischoffe (Conrad) zu Breslaw, den fürsten in der Slesia, Mann vnd Stetin, in dem fürstenthum Swidnitz vnd Jawer. Act. a. d. MCCCCXXVIII am Dinstage nach Trinitatis, als Mates Geiseler zu Legenitz zu Tage was oc. mit dem Statschreiber. 529. 1428, Jun. 16 (Öls). Herzog Konrad Kantner an den Hochmeister in Preussen: Kriegsnach- richten. (Grünhagen 1. c. n. 95 [aus d. Orig].) Unsse fruntliche dienste in ganczer beheglichkeit zuvor, hochwirdiger und grosmechtiger besunder liebir herre und frunt, sulche czytunge, wie sich die mit den vordampten ketczern in desin landen vorlowffen haben, hat ewir hochwirdikeit, wir nich czweyfiln, wol irfaren und vornemen, das die selben ketczer ken Beyern sint geczogen, und nicht ferre von Nuremberg seyn sulden, und das sich do fursten, herren und landen geschicket ken en hetten, so meynet man, das die Meiseneschen herren ouch alreit im felde legen. Sundir als sie in desin landen den Czo- betenberg besaczt haben, haben sich die landen dovor geleget, und huffen, ab got wil, das sie sie mit gotes hulfe herap obir- haupt gewynnen werden. Ander czyttunge wissen wir uff dese czyt nicht czu schreiben, besundern wir betten ewre grosmech- tikeit, was ir newir czyttunge wisset von unserm herren dem konige von Denemarken, uns die czu schreiben, wenn wir die in allem gutte gerne irfaren welden, wenn gyngen die anders zu, denne wol und gut, das wer uns leitt und eyn sunderlich bekummern in unserm herczen. Geben czur Olsen an der met- woch noch sandte Viti tage. Conrad Canthner genannt, von gotes gnaden herczog in Slesien zur Olsen und Kosil oc.