621 vnd bermelich ist vnd allen cristen mentschen pillich zu hertzen geet vnd gieng, desselben brief wir ewer weisheit ein abschrift hierynnen verslossen schiken. Denn wo wir ewer ersamkeit lieb oder dienst oc. Datum feria IIa post ascensionis Dominj. 522. 1428, Mai 21 (Wartenberg). Konrad Bischof von Breslau an den Hochmeister in Preussen: über die nach Liegnitz berufenen Tage (vom 13 Mai und 1 Juni) um den Ketzern Widerstand zu leisten ; über die schlesischen Fürsten, die mit ihnen Frieden geschlossen; über den Kurfürstentag zu Bingen am 16 Mai und zu Nürn- berg am 6 Juni oc. (Ex archivo Regiomont.) Erwirdiger grosmechtiger herre vnd liber frunt Als wir denne ewer grosmechtigkeyd eynen tag geleget hatten mit dem Strengen herrn Conrad Nympcz uff sand Georgen tag nestvor- gangen, der do nicht vorgang muchte gehaben durch sulcher lewfte wille, als sich die leyder hie in der Slesien von den vor- dampten Ketczern irlawffen vnd irgangen haben vnmenschlichen mit grossem morde brande vnd rawbe, vns vnd der Slesien zu grossen, unvorwintlichen scheden, als auch des Mymo vnsers bruders dyner dis briues czeyger, der alhie gewest ist, vnd des meysten teyls das gesehen vnd gehort hat, muntlichen wol vn- dirrichten wirdt, durch des wille nv ein tag geleget was vnd gehalden ist, am donrstage des tages Ascensionis domini (13 Mai) zu Legnicz do eczliche fursten mit vns, vnd ouch houptmannen Mannen vnd Stete der furstenthume Sweydnicz vnd Jawor, Gor- licz vnd Syttaw gewest sein, vnd sulchen schaden gehandelt vnd grossers schadens vormeydunge betrachtet, vnd eczliche stucke vnd puncte do wedir begriffen vnd obirtragen haben, das wir vns vnd diese land in schutzunge vnd were wedir sie setczen vnd ouch ein sulichs mit gotes hulffe rechen muchten, do bey wir hern Nympez nicht gehaben, vnd sint der czeyt von euwern wegen mit em nicht gereden konden, als Ir das in euwern briuen an vns begert habt, So haben wir durch sulcher sachen wille, vnd abewesunge eczlicher fursten vnd Stete, eynen andern tag gemachet vnd geleget, uff den nesten dinstag noch Trini-