535 die Hussen tachaw leyder gewunnen, awszgeprant vnd lewt darynnen ermört haben oc., das haben wir mit betrübtem Hertzen vernomen vnd ist vns mit ganzem trewen laid. Nu lassen wir ewr weisheit wissen, daz der Hochwirdigist in got vatter vnd Herre.. der Cardinal von Engelland als er yeczunt wider zu vns kam, ein Concilj gen Frankfurt gelegt, vnd Fürsten, Herren vnd Stette mit seinen briefen verbott vnd berüft hat dahin zu komen auf den VIII tag nach Nativitatis marie virginis schierist, allermeist darumb, als sein vätterlikeit vnsern freunden gesagt hat, daz man ewer ersamkeit vnd den andern fromen Cristen stetten vnd volke an die Hussen stossend czu hilff komen. Das verkünden wir ewer frewntschaft in gut, vnd dunkt vns wol geraten seyn, daz Ir ewr botschaft daselbst hin auch schiket. Dabey schiken wir ewer weisheit vmb gots vnd cristens glaw- bens vnd ewer notdurft willen die vnsern yeczunt dennoch aber zu hilff zu. Denn wo wir ewer ersamkeit Lieb oder Dienst oc. Datum ut supra. 467. 1427, Aug. 14° (Nürnberg). Der Rath von Nürnberg an Herzog Johann von Bayern: er habe nicht gehört, dass der Herzog den Aufbruch des Heeres in Böhmen veranlasst habe. (Nürnberger Missiv-Buch VII, fol. 201). Herczog Johansen von Peyern. Gnediger Herre! Als vns ewr Hoch. verschriben hat, wie ewr gnade vernomen habe, daz bey vns rede seyn, daz ewr gnade den aufpruch yeczunt vor der Myes gemacht sölt haben oc. das haben wir wol vernomen. Nu haben wir von vnsern Hewbt- leuten vnd den vnsern die daselbst auch imm velde gewesen seyn, söllicher rede niht verstanden. Ob aber von den, die ausz dem Here bey vns fürgeczogen seyn, oder von andern sölliche oder andere vnuernünftig rede von dem aufpruch bey vns beschehen weren, das horten ye wir niht gern, vnd were vns niht lieb, vnd glawben des niht, wan wir zweifeln niht, nachdem vnd ewr gnade mit ewern landen vnd lewten an die