118 den fursten in der Slesien und andern steten, landlewten und gemeinden mit ewrem volke auch besammet, und wollet uns also zu dienst und zu hulfe gen Behem wider unser feynde und die wiccleffen ziehen, das wir gern gehort haben und uns auch grosse erfrewet hat, und doruf senden wir zu euch und auch zu andern fursten, manschafft, rittern, knechten und steten in der Slesien den erbern Herbort von Fulstein unsern diener und lieben getrewen unser begerung und meynunge an euch zu bringen eygentlich underwisten, und begeren dorumb von euch, was der vorgenante H. von unsern wegen zu disem male an euch werben wirdet, das ir im des genczlich als uns selber glawbet und euch auch willig und ernstlich dorczu beweysen wollet, als des zu disen zeiten not ist, und als wir euch des sunderlich wol ge- trawen, des wollen wir euch in gutem nymmer vergessen. Geben zu Presburg am montage vor S. Veyts tag, unser riche des un- grischen oc. in dem 35, des romischen in dem 11 und des behemischen in dem ersten jaren. Ad mandatum domini regis Michael canonicus Pragensis. 115. 1421, Jun. 13 (Nürnberg). Der Rath von Nürnberg an den Abt von Waldsachsen: über einen ihrer Bürger, der ihn fälschlich angeklagt hatte, er sei zu den Hussen über- getreten. (Nurnberger Missiv-Buch V. fol. 141.) Hern Niklasen Abbt zu Waltsachsen. Erwirdiger lieber Herre! Als Ir vns verschriben habt von der rede wegen, die auf ewer erwirdikeit awszgeben sey, wo Ir von der gemeinschaft der heiligen Cristenheit vnd zu den pösen Ketzern den Hussen getreten solt sein oc., das haben wir wol vernomen, vnd seyn vns sölich rede niht lieb, vnd haben auch des kein gelawben noch getrawen zu ewer ersamkeit; vnd ob wir des icht red hören wurden, wellen wir ewch gern verant- wurten vngeuerlichen. Vnd als Ir vns verschriben habt, wie vnser burger der hut die rede awsz hab bracht oc. da ist vns niht wissend von, so ist auch derselb vnser burger.. der hut