557 das ist vns mit ganczem trewen laid. Vnd als Ir vns gebetten habt, vnsers zewgs ewer weisheit aber zuzuschiken oc., lassen wir ewer frewntschaft wissen, daz wir vor ewer botschaft von vnserr gnedigen Herrschaft .. des Marggrafen vnd der Marggrefin wegen angelangt vnd gebetten seyn worden vmb vnsern grey- sigen zewg In zu leihen, als auch wir getan haben; wenn aber derselb zewg wider herheim kombt, so wellen wir ewch der vnsern aber gern zuschiken. Denn wo wir ewer ersamkeit lieb oder dienst oc. Datum feria IIIa ante Elisabeth. 487. 1427, (s. d.) (Olmütz). Der Rath von Olmütz an Herzog Albrecht von Österrcich: abermalige Schilderung von Gefahren und Bitte um Beistand. (MS. Wonc. de Iglav. fol. 15b.) „Domino duci Austrie.“ Hochgeborner oc. Als Ew. Durchl. wir iczunt mit Salsen vnserm boten schriftlich zugefugt vnd vorczalt haben die twenkt, die vns von veinderlas derczeigt werden, so das vns keinerlei not- durft iczund die weil man der bekumen mocht zukumen mogen, das die veinde mit vffsatcz weren vf das das sie sich beredt haben vor vnser sich zufugen oc. Also geruhe E. G. awer zuwissen, das wir von tag zu tag bas geynnert vnd von guten frewnden in der geheim warhafftiklichen gewarnet werden, das die veinde in Behem mit diesen hynnyden eynswarden synt vnd doron entlich beliben sein das sie sich mit macht ye heran fugen wellen vnd nemlicher vor vns, wie wol sie anderswo zuczogen furgeben, vnd haben sich doron geuesstent vnd vorsprochen, das sie do gewynnen ader vorliesen wellen. Wir merken auch das sich vil herrn vnd landslewt vmb vns mit In beteidigen vnd wege suchen, do durch sie sich mit In bereden mochten, so das der turney nur vf vns vnd E. G. slos gelegt wirt. Auch wirt E. G. in des herrn Paulen von Ewlenburg briff hierynnen ver- slossen sehen, das er auch nu vrsachen sucht. Vf das herr Jan von Ewlenburg, hawptmann zu vns, vns vormant hat E. G. zu- schreiben, ab E. G. mit dem volk vnd hulf, als E. G. mit Im