549 479. 1427, Oct. 10 (Nürnberg). Der Rath von Nürnberg an Albrecht von Kolditz: willigt ein ihm 200 fl. von der Judensteuer zu schicken, und meldet, der Cardinal habe neuer- dings einen Tag nach Frankfurt auf den 16 Nov. angesetzt. (Nurnberger Missiv-Buch VII, fol. 220.) Hern Albrechten von Colldicz, des Römischen vnd Beheimischen oc. kunigs Camermeister, Hawbtman der fürstentum Swidnitz vnd Jawer, Voyt der Land vnd stette Budissin, Gorlicz, Sittaw oc. Edler lieber Herre! Als vns ewr edell verschriben vnd gebetten hat IIe gulden von der halben Judenstewre bey vns, die auf sand Michelstag nehstuergangen erschynen ist, von vnsers gnedigisten Herren .. des Römischen oc. künigs wegen vnserm burger vnd Ratgesellen, Sigmunden Stromer, in ewerm namen vnd auf ewr quittancz zu geben, so wellet Ir vns des vorgenant vnsers gnedigisten Herren .. des Römischen oc. kunigs quittancz darüber auch in kürcz schaffen oc., das haben wir wol vernomen. Nu seyn söllich sache vorher bey vns niht gewönlich gewesen; doch so wellen wir ewer edell zu lieb zu disem mal damit willfaren, also daz Ir vns des obgenant vnsers gnedigisten Herren, des Künigs, redlich quittancze darüber in kürtz schiket, vnd fürbas were vns niht füklich söllich gelt yemant hinawszzugeben, denn so wir des mit vnsers gnedigisten Herren des Römischen oc. künigs quittanczen ermant wurden. Das well ewr edell in gut von vns versteen. Als vns denn ewr edell gebetten hat, ewch von den lewften der Cristenheit wider die Hussen vnd ketzer zu Beheim etwas zuuerschreiben oc., lassen wir ewr edell wissen, als der hochwirdigst in got vater vnd Herre.. der Cardinal von Engellant, der vns ein redlicher weiser Herre bedunkt, von derselben sache vnd geprechen wegen nehst ein concilj gen frankenfurt geseczt vnd berüft hett, da auch etwieuil vnserr gnedigen Herren... der Kurfursten, fursten, Herren vnd stette bey Im vnd bey einander gewesen seyn. Daselbst ist man vber- komen vnd abgeschaiden, daz die vorgenant vnser gnedig Herren