243 zuge gehinderte mochten, vnd darumb so ervordern ermanen und biten wir euch in ganzem getrawen, so wir ernstlich konnen vnd mogen, das jr dem almechtigen got zu lobe vnd zu eren vnd dem cristenlichen gelauben zu sterkung vol riten vnd nit hinder sich zihen wollet, ab sach were das di nit alle cho- men die dann chomen sullen, sunder die weyl mit dem ganzen volkh in den steten ligen vnd teglichen krieg treiben wollet bis das das andere volk auch komen werdet, das doch als wir ver- nomen hoben zu euch auf sand Gallentag (16 Oct.) komen würdet. Dann wo jr vnd die andern zu disen zeiten wider zuruk vnd nit für euch zuget, so wurd der karlstein vnd viel- leicht das ganz konikreich zu behem verloren, vnd wurde dann die schuld alle vff euch als wir förchten ligen, das vns zumal nit lieb wer. Darumb so last euch in den sachen ernst sein vnd behalt das volk ye bey cinander, das wir sunderlich wo wir mügen vmb euch verdienen wellen vnd getruwen auch zu dem almechtigen got sin genaden also mit euch sein, das es in allen Ewren sachen wol gen schul. Geben zu Regenspurg am Samczstag vor sand franczssen tag. Branda Cardinal von Placzenz genannt des bebst- lichen Stuls legat oc. Dem durchluchtigen oc. Hern Fridrich Marggraven zu Brandenburg. 217. 1422, Oct. 4 (Kemnitz). Markgr. Wilhelm von Meissen an Markgr. Friedrich von Brandenburg : er möge ihm nach Kopitz bei Brüx wissen lassen, wie es um den Feldzug nach Böhmen stehe. (Riedel 1. c. p. 422. Copie.) Unsern fruntlichen dinst zcuvor. Hochgeborn furste lieber Oheim. Alsz Ir Nigkele von Kossebude mit uwerme gloube- brife zcu uns gesant habet, der hat uns underricht uwer sterke und macht, die jr uf den Zcog gein Beheim bie uch habet und hat ouch geworben, uch zcu raten, wie es vmb den Zcok vor- zunemen sie oc. Lieber Oheim, must Ir selbis achten, ab ir mit sulchen Luten getrewet zcu enden und ab uch solche folge 16*