245 stein mit hundert spissen uz dem Lande zcu Lusitz kommen solle : und ir doch wol wist, dasz Hannsz von Polentzk in unsers hern des Koniges, iuwe vnd ander fursten und korfursten gein- wertikeit sagete, worde ym das Land zcu Lusiz beuolen vnd yn, Er wolte zewentzig tusend uz dem Lande uzrichten. Ouch so vornemen wir nicht, dasz Unser her von Meideburg, unser Oheim von Sachsen oder andere heren hierumb ymandts zcu dem Zcoge senden wollen. Ouch so horen wir nicht, was von den Sechs Steten Budissen und Gorlitz Lute komen werde. Solche Botschafft haben wir uch zwofach gein Lutitz getan, ob einer felte, dasz die andere yo zcu uch queme, die sol bis morgen da zcu Lutitz sin, alz daz die Zcedele, die ir unsz gesand hattit, uzwiset : und wir haben uns mit den unsern erhaben und wollen uf dise erste mittewochen (7 Oct.) obir walt zcihen und unsz gein Copitz bie Brux lagern vnd da ewre botschaft biten, wen unsz swer wer in unserm lande mit den Luten zu legen: vnd bitten uch mit flisse, was jr uns botschafft tun wollit, daz ir uns die vff den ersten dornstag oder fritag (9 Oct.) unverzog- lichen gein Copitz tut und unsz yo ane botschafft nicht lasset und vns ouch mite schribt, vb vnser here von Tryre ouch komme vnd waz die Reichstete uzrichten — vnd welche von den hern von Beyern mite komen. Gegeben zu Kempnitz am Suntage francisci. Wilhelm Landgr. in doringen vnd Marggr. zcu Missen. 219. 1422, Oct. 4 (Eschenbach). Bischof Johann von Würzburg an Denselben: er erwarte ihn zu Eschen- bach und habe von der Ubergabe Karlsteins gehört. (Riedel 1. c. p. 424. Copie.) Unser frundlichen dinst zuuor. Hochgeborner furste, be- sunder lieber herre und frund ! Ewr liebe brif unsz nehst ge- sant ist unsz hute gar fru worden und also sein wir hynnen her gein Eschenbach kommen und warten doselbst eur liebe zukunfft vnd biten Euch fruntlich, Ir wollet Euch dohin zu stund zu