407 349. 1425, Sept. 16 (Totis). Hanns von Polenzk, Vogt der Niederlausitz, an die Sechsstädte der Oberlausitz: Nachrichten: der König sende ihn von Dotis zum Herzoge von Österreich und werde selbst nach Pressburg folgen; die Türken haben die Walachei eingenommen; die Kurfürsten haben dem Könige einen Tag nach Passau auf den 11 Nov. gelegt; die Prager und Taborer haben zu- sammen vor Iglau sich gelagert oc. Scultetus II, 140b sq. (ann. 1436). Hans von Polentz Foyt zu Lusitz: an die 6 Stete in ober Lausitz. Ich thu euch zu wissen, das sich mein G. H. der könig also morgen wirt dirheben von den Thotis zum ende kegin Menginburg (Hainburg?) bey Preszburg gelegin, zu dem Her- tzogen von Osterreich. Vnd hat hewte frühe noch mir gesant, vnd sprach zu mir: Is wil nymand zwischen Mir vnd Dir te- dingen, Nu wil ich zu dem Herzogen vor kegin Henginburg, sitz uff vnd reit zue em, vnd sag im doch das ich dir folgen wil, bey tag vnd bey nachte, Vnd sage em, wy her is zwischen dir vnd mir mache, das wil ich folgen, vnd wil vor allen te- dingen dyn gnediger H. seyn oc. Die Türcken die Walachey gewonnen haben, vnd zihen forth in das Land zu den Sebenbergen oc. das der konig so bald nicht wird hienaus ins Land kommen. Ouch haben im dy Korfürsten eyn tag geleget uff sente Mertinstag kegin Passaw oc. Ouch vmb den von Colditz, ab der ewir Foyt bleibet adir nicht, das kan ich uch och vor eyne warheit nicht gesagen, sunder bey acht tagen adir bey 10 wirt mirs zu wissen oc. Ouch liben Herren vnd Fründe, von der 400 sck. wegin, dy ich uch schuldig bin, der 80 kezalet sein, Bethe ich uch das ir dorumb dy von Luckaw nichten manet, bisz zu meiner zukunfft oc. Ouch qwam meinem G. H. nechtin botschafft von dem Herzogen von Osterreich, wy das dye Prager vnd dy Taburen, dy Stad zu der Yglen berant vnd belegin hatten vnd weren gantz ein mitteinander oc.