119 auf dise zeit niht anheim bey vns, wenn er aber herheim kombt, so wellen wir In gern für vns besenden vnd dorumb zu red setzen, ob wir daran gemant werden. Hett er sich denn mit sölichen worten vergessen, da hett er vns kein gefallen an getan. Denn wo wir ewer erwirdikeit lieb oder dienst oc. Datum feria VIa ante Vitj. 116. 1421 (?) Jun. 13 (Zittau). Der Rath von Zittau an den von Görlitz: da die Feinde in Böhmen stark sich sammeln und über das Gebirge herein zu brechen drohen, so möge man sich bereit halten, Hilfe zu leisten. (Orlg. in collectan. Sculteti n. 197.) Den Ersamen wolweysen Burgermeister vnd Ratmannen der Stat Gorlicz, vnsern besundern lieben frunden. Vnsere fruntliche vnd willige dinste zuuor, Ersamen weysen herren vnd besundern lieben frunde! Wir tun euch zu wissen, das wir von fromen gleubwirdigen leuten also hiute an dem abende gewarnt seyn, wie das sich dy Preger, Smyriczky, dy von Walischaw mit Iren hulffern gar starck sammeln vmb den Czobuik, vnd das Ire gancze meynunge ist herab vbir das gebirge In dese creissze zu gedenken schedlichen vnd die zuuorterben. Ouch das sich der Zysska vnde der von Golstein aldo vmb Luthomericz ouch vff das sterkste sammeln, vnd wollen des Orts by Teczen heryn brechen, vnde also wir vornemen das das alle von dem snellen ofbruche der neste geschen ist dar kome, Nu haben wir vnser botschaft hin vnd her awsgeschickt das eigint- lichen zu dirfaren vnde zu spehen wie sie das vorhabin vnd off welche czeyt, wenn wir vngerne sotane sachen welden vorlassen. Bethen wir hirumme ewir weysheit mit dinsthaftigen fleysse, das an dy man, vnde dy von Luban ane sewmen zu brengen, wenne der bozewichte meynunge ist daz sie In kurcz das begynnen wollen, vnd das Ir euch mit den ewern vnde sie oc. also in achtunge doryn setczen wenn wir Io horen das is andirs nicht seyn wil, als das wir von gote gehulffen In widersteen mogen mit ewirr hulffe so wir euch anruffende tag oder nacht ander botschaft vnd das is not were tun wurden, Das wollen wir vmb