84 1423. grosschin er und seyn erben auch auff demselben slos haben sollen alslang, bis daz wir ader unser nachkomen kunig zu Beheim in die genczlich widerrichten. auch so benummen wir demselben herczog Fridrichen tusent schogk all jar zu bestriden dasselb slos Brux und die stat daselbs und auch die stat zu Ausk, die er darlegen sol die weile der kreig mit den keczern zu Behem weret und nicht lenger; dieselben tusend schogk als offt er sy darlegen wurde, ab der krig lenger denn eyn jar weren wurd, sol er und sein erben uff den egenanten slos und steten zu Brux und zcu Ausk haben im pfandes weyse alslang, biß daz wir oder unser nachkomen kunigen zu Behem ym und sein erben die genczlichen richten und beczalen. ouch wann disser kreig nymmer sey und gestillet wirdet, so sol er dieselben slos und stete aushalden und befriden von den renten und nuczen, die darczu gehoren, und uns furbaß keynen aufslag tun in dheynerweyse. und wenn wir oder unser nachkomen kunig zcu Behem solich slos und stet widder haben wolten, so sollen uns der egenante herczog Fridrich und sein erben der losung gestaten an alle widderred umb solich gelt, als er darauff geleget het, als vorgeschriben steet, und keynen auffslag sust hoher darauff tun. und gebieten darumb den mannen und lantluten , die zu dem slosse gein Brux gehoren, und den burgermeistern, reten und burgern gemeynlichin der stet zu Brux und Ausk ernstlichin und vesticlichen mit disem brieve, daz sie dem egenanten herczog Friderichen gehorsamkeit und gelubd und huldung tun noch lawt diß gegenwertungs brives, als vorgeschriben stehit, als lieb yn sey, unser swere gnad zu ver- meyden. unschedelich dem edeln Albrechten Schenken von Landperg gnant anders von Seydow un- sern rate und libin getruwen an solichen vorschribungen, die er auff unsern bernnen und summen der stat Ausk hat von unserm bruder kunig Wenczlaw seligen und auch von uns, die wir wollen, daz der in synen rechten ungehindert beleibe. mit urkund dises brives versigelt mit unser konig- licher maiestat insigil. geben zu Bartfal, nach Cristi geburt vierczehenhundert darnach im dreyund- zewenczigsten jare, am nechsten donnerstag nach dem sontag Quasimodo geniti, unser riche des Hungrischen etc. in dem sibenunddrissigisten jare, des Romischin im dreyczehenden und des Be- hemischen im dritten jaren. Aus dem k. sächs. H. St. Arch. in Dresden N. 5921 Vidim. Off. Perg. Brief mit einem an pergamener Pressel hangenden Siegel. Vidimirt durch Nicolaus Schulte Magdeburges stiftes pfaffe. Ohne Vidimus in Copie H. St. Arch Dresden. W. A. Böhm. Sach. VI. — Horn Gesch. Friedrichs d. Streitbaren, Urkundenb. N. 275. Palacky Urk. Beitr. z. Gesch. d. Hus. I. S. 291. 1423 April 15. [189.] König Sigmund befichlt den Städten Brüx und Aussig an der Elbe, dem Kur- fürsten Friedrich von Sachsen, an welchen sie verpfändet worden sind, die Huldigung dar- zubringen. 1423 April 15. Bartfeld. Wir Sigmund von gotes gnaden Romischer kunig zu allen czeiten merer des richs und zu Ungern, zu Behem etc. kunig embieten den burgermeistern, reten und burgern gemeynlichen der stete zu Brux und zu Ausk unsern lieben getruen unser gnad und alles gut. lieben getruen! wann wir dem hochgebornen Fridrichen herczogen zu Saxen des heiligen Romischen richs erczmarschalk, marggraven zu Meissen und landgraven in Doringen unserm lieben Oheimen und kurfursten unsere sloß und vesten zu Brux mit sampt den steten Brux und Ausk uff der Elb gelegen mit allen und iglichen iren renten, nutzen, czinsen, gefellen und zugehorungen befolhen und ingegeben haben, alsdann das unsere maiestatbrieve im doruber gegeben clerlicher aufweisen: dorumb gebieten wir euch ernstlich und vesticlich mit disem brieff , das ir dem egenanten hertzog Fridrichen gehorsamkeit, gelubd und huldung tut nach lawt unsers vorgenanten maiestatbriefs, als lieb euch sey, unser swere ungnade zu vermeiden. geben zu Bartfal, nach Crists geburt XIV hundert jar und dornach in dem