8 an seinem schuldigern mit recht vordern ader sust dem nach geen, alß dann sein schuldbrief außweysen ongeverd. Mit urkund etc. am mitwoch nach Gregorii anno etc. 31. Kopialbuch, ebenda, Fol. 64b—66 a. — Palacký, a. a. O. II, Nr. 731, S. 194 bis 198. — Altmann, a. a. O. Reg.-Nr. 8342. — Hiezu Palacký, VII. Buch, 8. Kap., S. 541 f. und Gradl, Gesch. Egerl, S. 381. — Bachmann II, S. 307 f. 78. (1431. Mürx-April.) Heeres:ugsordnung für den Kreuzang gegen die Hussiten. Instruktionen für die Disxiplin und Ausrüstung des Heeres. Das ist die begreiffung, wie man sich in den heren halden soll, als hernach geschriben stet. Czum ersten: alle die, die in die here komen, sullen vor beichten und gotes leichnam enpfahen und sich gotlich halden. Item der bischoff von Meintz, der bischoff von Kolen und der bischoff von Trier, der pfaltzgraff bey Rein sullen ein here und ein wagenburg haben und iren streit bestellen. Item der hertzog von Sachsen, der lantgraff zu Duringen und der lanntgraff von Hessen sullen auch ein here und ein wagenburg haben und iren streit bestellen. Item der marggraf von Brandenburgk, der bischof von Wurtzpurg, der bischoff von Barmberg, die graven und ritterschafft von Swaben, und was aus dem lande zu Francken kumpt, sullen auch ein here und ein wagenburg haben und iren streit bestellen. Item der bischof von Maydburg, der bischof von Hildeſheym, der bischof von Halberstat, die hertzogin von Brawnsweig und der jung marggraf von Brandenburg von der Marck wegen sullen ein wagenburg und here haben und iren streit bestellen. Item die reichssteet sullen ein here und ein wagenburgk haben und iren streit bestellen und sich mit irem volke zu einem fursten, zu welchem sy wollen, slahen und thun, das das recht bestellet sey. Item die Slesiesten fursten und hern, das land zu Lusitz und die Sechß Stet und der Deutzchmeister von Preussen sullen ein here und ein wagenburck haben und iren streit bestellen. Item all hertzogen von Osterreich sullen ein here und ein wagen- burg haben und iren streit bestellen. Und wann die herren, fursten und stete zusamen komen mit iren heren in das lannd zu Behem, so sullen sie dann iren streit und wage- burg bestellen und das veste, wie sie des eins weren. Item, was ein ytzlicher furste, herre, ader stete fußgenger weppnen, bringen dieselben gleich halb buchßen und halb armbrust haben mit pfeiln, pley, pulver und was dazu gehort. Auch, so sol man uber zehen fußgenger einen haubtman, und uber hundert eynen, und uber tausent einen haubtman setzen und außrichten.