22 clagen müszten, wenn sy euch doch vil liber dinen wolden. Ewer vor- schriben anttwort gebet uns auff bayde sache. Gebin am montage noch Petri et Paulli, under unsserm insigel anno domini etc. xxxii". Wilhelm von Schonwurg, herre czum Pirssenstein. Den ersamen, weiszen pürgermeister und rate der stat czu Eger, unsszern guten freunden. Orig. auf Pap. mit Spuren des Verschlußsiegels, Fasz. 1. — (Nicht bei Palacký.) 87. 1432. Juli 2. Die Verwandten des von Stephan Harnnschmeister gefangen genommenen Gindrzich Braun ersuchen den Egerer Rat, diesen Harnuschmeister in Eger nicht an dulden. Unsern willigen dinst zuvor. Ersamen, weisen, besundere, gunstige liben herrn. Als wir euch vormals wie oft ubern Stephan Harnuschmeister und sein weib geclagt haben, wie uns die unsern vetter Gindrzich Braun in ein gutem geleit unvorschulter sachen abgefangen und fürder ein andern herrn pözlich, velschlich undvorheitlich übergeben hat, also clagen wir ewer ersamen weisheit noch ubern denselbigen plutvorkaufer, daz er uns unßern vettern aus ewr stat und geleite mit briefen und potschaften ken den von Swamberg mit unwaren worten beswert, das wir wol derweisen wollen, daz er in ungütlich doran tut, also daz in der von Swamberg hat wollen lassen vorsuchen, daz in denn von etlichen unszern guten gunern ist widerraten worden und mocht damit, daz man uns unszern vettern nicht wil von staten lassen noch ausczupurgen geben. Dorumb biten wir ewer vorsichtige weisheit, sulche lang erweiste und auch ezu- kunftige dinste, die wir euch noch williclich erweisen wollen anczusehen und den genanten plutvorkaufer mitsampt seinen weibe und habe, sinte- molen er ewrs geleits und auch sein selbs nicht schonen wil, wider uns in ewr stat und auf ewrn gutern nicht zuhalden. Des wollen wir euch vleissiclich vor herrn, rittern, knechten und steten danken und wollens auch umb euch noch allen unßern vermügen fruntlich und sunderlich gern vordinen. Geschehe aber des nicht, so künden wirs anders nicht vorsten, denn daz euch unser und unsers vettern schade und schande liep were etc., und biten des ewr beschribne antwort bey disen boten. Gegeben unters Sigmunds und Steffan Brauns insigl, des wir hernachgeschriben auf diszmal alle gebrauchen. Anno domini etc. xxxii" in die visitationis Marie. Sigmund, Steffan, Philip Jacub Braunn, Peter und Jorg Kffeller, Jorg und Nikel Hawg et ceteri. Den ersamen, wolweisen burgermeister und rathe der stat Eger, unsern gunstigen lieben herren. Orig. auf Pap. mit Resten von zwei Verschlußsiegeln, Fasz. 1. — (Nicht bei Palacký.)