2 73. 1429. Dexember 6. Niklas Fraß, Vogt zu Königswart, meldet den Egerern, daß er den Siegmund Thoß, der mit wichtigen Nachrichten aus Böhmen xurückgekommen sei, zu ihnen senden werde, und ersucht, ihm (dem Fraß) der zwei Schlösser zu versorgen habe, zu Hilfe zu kommen, wenn es not täte. Mein freuntlichen dinst czuvor. Ersamen, weissen, liben herrn und freund! Es ist Sigmund Thosse als nechten von Pemen komen und hat mir eczwas sach gesagt, das ich euch schold schreiben. Nu ist mir sulche sach nicht alle fugsam czu schreiben und kan sein auch als noch nottorft nicht geschreiben und hab in dorumb czu euch gesant, euch in geheim czu unterrichten, das ir euch mit ewer nothorft darnoch richt und der heiligen kristenheit pestes dorin derkent und furnemt etc. Auch liben herrn, als ir wol wist, das meins herrn genad iczund nicht in dem land ist und sich dy sach widerwertikeit groß macht, so hab ich czwey sloß czu besorgen, ab mir ichtes pruch word und euch darumb an langet, pit ich euch von meins gnedigen herrn herrn und der heiligen Cristenheit wegen und willen, ir wolt mein herrn mit andern frum lewten, dy ich von meins herrn wegen pey mir hab, euch gutlich dorin derweissen und hulflich sein. Das wil ich euch vor meins herrn genod dancken und das freuntlich umb euch verdinen. Geben an sent Mickulaes tag anno etc. xxviiii°. Niclas Frasz, voit auff Kunigißwarth etc. Den ersamen, weissen porgermeister, rat der stat czu Eger, meinen liben herrn und freunden. Orig. auf Pap. mit Spuren des Verschlußsiegels, Fasz. 1. — Palacký, a. a. O. II, Nr. 620, S. 76. — Gradl, a. a. O., S. 373. 74. (Um 1429.) Ein Kurfürst an eine Stadt in Böhmen um Mitteilung, wie dem Blutvergießen in Böhmen xu steuern wäre; er wolle mit Rat und Tat beistehen Innige und gantze begirde, das der almechtig got euch und ander hertze und synn gebe, zusuchen und zuvol furen wegen und weyse, dy zu fride und cristenlicher eynikeit sich zihen und treffen mugen, und auch was unser fleiß, mit got und guter wissen nutze ader frome dart- zugetan, zuvoran. Ersamen, weysen und fursichtigen! Ir mogt villeicht wol vernomen und verstanden haben, wie die erwirdigsten und hoch- geborn, unnser lieben herrn, freund und mitkurfursten mit andern unnsern herrn und freunden, fursten, steten, landen und gemeinschafften zu hertzen genomen und betracht haben, nemlichen und besundern von bewegung und ermanung unnsers genedigsten herrn, des Romischen zu Ungern und zu Behem konigs, und auch von gemeins ruffs der cristenheit wider euch