5 Den erbergen weyszen, dem burgermeister und dem rat zu Eger meynen liben herren. Orig. auf Pap. mit Verschlußsiegel, Fasz. 738. — Palacký, a. a. O. II, Nr. 728, S. 189. 77. 1431. Märx 14. Sigmund, römischer König, fordert xu einem Heeres- xuge gegen die Ketxer in Böhmen auf, gebietet allen Reichsangehörigen Frieden, untersagt, die Ketxer xu unterstütxen und suspendiert für die am Kriegsxuge Beteiligten alle gerichtlichen Urteile und Klagen mit Aus- nahme der Schuldklagen. Wir Sigmund, von gots gnaden Romischer konig etc., Bekennen, das wir wol gemerckt und bedacht haben, das sulche zwitracht, muß- hele, krieg und veintschafft, so zwischen fursten, graven, freyenherren, rittern, knechten und stete in Deutzschen landen gewest und noch sind zw vertilgung der bosen Hussen und ketzer zu Behem grosse hinder- nuß bracht haben, und das auch dieselben Hussen und ketzer dadurch und auch das in von den Deutzschen landen mancherley zufurung an alle dem, des sy dann gebrosten hant, gescheen ist und teglich geschicht, und wir nu mit rate unnser kurfursten und ander fursten, graven, herrn und stete frund, das ytzunt in guter und mereklicher meynung bey uns zu merern1) gewest sind, angeslagen haben, auff diesen zukunfftigen sumer ein mechtigen zugk auff dy vorgenanten Hussen und ketzer zuthunde und sie mit gotes hilff in sulcher maß untersten zu tilgen, das sie inn und gewar mogen werden, das sie sich mit unrechtem frevel und mutwillen wider dy heiligen kirchen und cristenheit, versmehung und lesterung unsers herrn Ihesu Cristi gesetzt haben und setzen Und das nu derselb zugk dester treffenlich und mechticlicher gescheen und zugeen und auch all und yglich unnser und des heyligen Romischen reichs kurefursten, fursten und graven, herrn, rittern, knechten, stett und all cristenglaubigen dester gerußlicher und was darzu helffen und gedien mogen, so haben wir nach rate der egenanten unnser kurfursten, fursten, graven, freyen herrn und stete freunde mit wolbedachtem mute, rechter wissen dise nachgeschriben stucke, ordenung und gebot gemacht, setzen, machen, orden von Romischer koniglicher macht und gebieten mit crafft ditz brieffs: Das all und yglich, die zu uns und dem heyligen Romischen Reich gehoren, sie sein gestlich ader werntlichen, in was wirden, state oder wesens sie dann sein, zumal nymand ußgenomen, die krieg und veint- schafft mit eniander han, nu, von dato ditz briefs anzuheben byß auf sand Merteins tag, in dem winter gelegen nechst komend, und furder uber ein gantz jare, ir keiner zu dem andern ader den seinen greiffen ader keinerley weiß beschedigen sollen, das auch in derselben zeit des friedes nymand keinen newen krieg umb keinerley sach willen anfahnen, machen 1) Bei Palacky: Nurenberg.