31 96. 1435. Februar 20. Bruder Konrad. Kellermeister des Klosters Wald- sassen, ersucht in Abwesenheit des Abtes den Egerer Rat, den Otto von Ilburg zu bewegen, gegen das Kloster keine Feindseligkeiten vorzunehmen. Mein gebet zcuvor. Lieben herren! Als ir mir verschriben habt in unsers herrn von waltsassen abwesen von des edlen herrn Otten von Yleborg wegen und seinen brieff mit in beslossen gesant, des dancke ich uwer weysheit und der gancz convent zeu male sere, und ich bite uwer lieb und weysheit, das ir dem benanten herrn von Yleborg von unsers goczhausz wegen schreiben wollet, das er an sehen wolle unsers gocz- hausz nemlich scheden, die es dann enpfangen hat von den Hussen und andern und auch teglichen noch nympt und welle die sache in güten an steen lassen pisz uff unsers herrn von waltsassen zcukunfft, wann wir hoffen, daz der in kurcz anheim kome. Das wille uch und der convent umb uwer lieb mit unserm gebet gein got alczit williglichen verdienen. Ouch schikke ich uch herrn Otten brieff hie inn wider beslossen. Datum Waltsassen am suntag vor kathedra petri Anno etc. xxxvto. Bruder Conrad, kelner zcu waltsassenn. Den erbergen, weysen, dem burgermeister und rat der stat ezu Eger, meynen besundern lieben herrn und günnern. Auf einem eingelegten Zettel: "Auch laz wir euch wissen, wy uns lantmansweis gesagt ist worden, wy unser genediger herr, der romisch kunig ganczen willen hab in daz lant gen Behem zu reisen in kurcz.“ Orig. auf Pap. mit Resten des Verschlußsiegels, Fasz. 738. — Palacký a. a. O. II, Nr. 933, S. 437 mit: „16. Jänner“. 97. 1435. April 29. Abt Johannes von Waldsassen1) meldet dem Egerer Rat, daß sein Kellermeister morgen von wegen des Otto von Eilburg und des Gotteshauses beim Rat vorsprechen werde. Unszer gepet ezwvor. Liben hern! Alz ir unszern kelner in unserm abwesen geschriben habt von her Otten von Eylburkch wegen, das haben wir wol vernomen und dank dez ewer erwerkeit mit ganczem fleizz und lasen euch wisen, daz wir unsern kellner morgen pey (euch) haben wellen. Waz der dan mit euch zw wort wirt von unsz und unszers gocz- haws wegen, darin seit im hif- und rettenleich. Daz wollen wir alzeit gern umb euch und dy ewrn verdinen in ainer sulchem und meren sachen. Geben am freitag vor walpurgis anno XXXV. Bruder Johanns, abbtt zw woltsaszen. Denn ersamen, weisen purgermaister und ratt zw Eger, unsern pesundern lieben hern und guten freunden. Orig. auf Pap. mit Siegel als Verschluß, Fasz. 738. (Nicht bei Palacký.) 1) Johannes Vendel aus Weiden, als Abt Johannes VI. v. 1433—1461.