16 83. 1431. August 15. Türschenreut. Abt Niklas von Waldsassen berichtet dem Egerer Rat über die Flucht des Reichsheeres aus Böhmen. Unser gepet zuvor. Liben herren und freund ! Wir lassen euch wissen, daz unser diner, der Ulrich, heint an der nacht kumen ist reiten und sagt uns, wi daz hir alles heraws zich über walt und di Hussen zihen in nach mit geraissigen zewg und fusfolk, und ab di Hussen gar uber walt nachzihen, des kan er nicht gewissen. Darnach wist euch zu richtten. Geben zu Türssenreut an unser liben frawentag assumptionis zu nacht anno domini etc. xxxi°. Bruder Niclas, abbt zu Waltsassen. Orig. auf Pap. mit Resten des Verschlußsiegels, ebenda, Fasz. 738. — Pa- lacký a. a. O. II, Nr. 762, S. 240, 241. 84. 1431. September 30. Der Tag au Windsheim. Seine Beschlüsse gegen die Hussiten. Es ist zu wissen, das auff sontag nach sanndt Michelstag, nach Christi geburt viertzehundert und darnach in den eynn und dreyssigigsten jaren auff dem tage zu Winßheim geratslagt unnd begriffen ist durch graven, herren, ritter und knecht, die uff demselben tag sindt geweßt auß diesen nachgeschriben lannden, mit namen: auß Meyssen, Dorringen, Osterlanndt, von den obern und nydern lannden zu Franncken und von der Rinow, in demselben lannde gelegen, von dem Heegow, Dilgow, an der Thunoweiben unnd unnden und in dem Rieße, alle in Swabenn lannde gelegen, von dem Krechkaw, auch von obern und nydern Beyern, hyderseyten und geenseyten der Tunaw und auch in der Wideraw, als hernach geschriben. Zw dem ersten: So ist geschlagkt, ob es were, das die ketzer von den lannden zu Behemen und Merhern, der obgenannten lannde eyns oder mer, uberzcugen unnd das beschedigen, so balde es an den graven, herren, rittern und knechten der obgeschriben lannde verkundet und zu wissenden wirdet von den, die uberzcogen werden, so sullen alle graven, herren, ritter und knecht der obgeschriben lanndt von stundan one alles sewmen mit iren leiben und vermugen denselben lannden, die sie also uberzcogen werden und beschedigt, zuzcihen, zu hulff unnd zu rettung kumen unnd sullen das thun auff ire eygene kost unnd schaden un- geverde. Unnd das sullen die, dy uberzcogen werden unnd hewptlewten und geselschafften in yglichem lannde, die dann eynung oder geselschafft hetten, verkundigen, welich lanndt nicht eynung und gesellschaft haben und da sullen dieselben in dem lannde unnder ine einen hawptman kysen unnd setzen und denselben, die uberzcogen sindt, das verkundigen, und der sol dann den anndern in demselben lannde von stundan zu wissen thun, die dann ine gehorsam sein und mit irer macht zuzihen, die zu retten, als oben geschriben stet.