726 1896. Magister civium, consules et communitas civitatis Plznensis nec non barones et milites dictrictus Plznensis rogantur, ne cum haereticis conveniant et de fide disputent. Romae, 1427 Novembris II. Dd. ff. magistro civium, consulibus et communitati civitatis Plznensis ac nobilibus viris baronibus et militibus dictrictus Plznensisa) necnon universitati castri Carlsteinb) salutem et apostolicam benediccionem. Intelleximus ex litteris d. f. Johannis, tit. s. Cyriaci presbiteri cardinalis, quod vos una cum certis aliis fideli- bus christianis fecistis treugas cum perfidis et detestandis hereticis sub hac condicione, quod in festo natalis domini nonnulli ex utraque parte debeant convenire ad disputandum de fide et scriptura sacra super eorum erroribus et quod quidquid illi decreverint, ambe partes sequi debeant. Videmus, dilecti filii, quod quidquid facitis, ex puritate animi et bona fide procedit; sed adversus hos astutos serpentes, inbutos veneno sathane, est caucius procedendum. Quidquid enim agunt, non eo spectat, ut ipsi converti velint ad sanam doctrinam, sed ut mentes vestre, qui estis fideles, subvertantur per versucias et fallacias ipsorum, qui sub specie agni intrant, ut vos devorent tamquam lupi rapaces. Ideo devocionem vestram rogamus vobis nichilominus iniun- gentes, ut cum fide stetis firmi, fundati supra petram, que est Christus, et nolitis ingredi vias lubricas, ne cadatis, sed fugiatis hanc convencionem et disputaciones inutiles, que nichil valent, nisi ad subversionem animarum vestrarum. Satis enim probata, ymmo conprobata est fides catholica tot martyrum sanguine et dilucidata tot conciliis, tot sanctorum patrum sanccionibus, tot sanctorum doctorum scripturis, tot exposicio- nibus excellencium virorum, ut superfluum sit super ea disputare amplius, salutare autem sequi, que ab illis nobis tradita sunt. Itaque omnino fugienda est hec convencio, in qua nichil°) potestis lucrari, multum autem perdere. Hortamur autem vos, ut firmi stetis in fide, in qua nati estis et per quam estis salvandi, ac resistite totis viribus adversus illos blasphemos hereticos, prout hactenus fecistis. Nam nos decrevimus vobis assis- tere et de tali subsidio providere, quod divina adiuvante gracia malignancium superbia conteretur vosque non solum poteritis obsistere conatibus ipsorum, sed eciam superare. Datum Rome aput ss. Apostolos III. id. Novembrisd) pontificatus nostri a. decimo. Copia in codice manuscripto saec 15. bibliothecae metropolitani capituli Pragensis sign. A 59/3, fol. 2097�210 (B), alia copia in codice manuscripto eiusdem saec. bibliothecae universitatis Brunensis sign. Mk 33, fol. 35 (C), inveniuntur — Bibliotheca Vat.: cod. Chigi lat. D VII 101, fol. 27.-28; cod. Barberini lat. 2001, fol. 80-81 — Typis excusum (e quadam alia copia, quae in libro annalium Johannis Tanner saec. 17. continetur) apud Strnad, Listář král. města Plzně I, pag. 318-319, num. 294 — 1) „Pilznensis“ C — b) ,Carsteyn‘ C - 9 ,nil“ B - d) ,Septembris (!) B, C; conf. num. proxime praecedentem nec non Palacký, Dějiny národu českého III, pag. 391-392, et Bartoš, Husitská revoluce II, pag. 33, adnot. 27 1897. Ulricus, comes de Ortenberg, canonicus Pataviensis, supplicat, ut sibi de scholastria ecclesiae Olo- mucensis, cuius fructus olim, antequam per haereticos Hussitas devastarentur, viginti, nunc vero quattuor marcarum argenti valorem annuum non excedunt, per obitum Venceslai Thiema), prothonotarii sedis apo- stolicae ac fructuum et proventuum camerae apostolicae in provincia Salzburgensi et dioecesi Olomucensi debitorum generalis collectoris extra Romanam curiam defuncti, vacante, provideatur. - „Fiat ut petitur O. Fiat. Datum Rome apud ss. Apostolos decimoseptimo kal. Decembris a. decimo. Romae, 1427 Novembris 15. R. Suppl. 217 (lib. XII de vacant. per fiat a. decimo), fol. 287 — Rep. Germ. IV, col. 3644—3) ,Tyem' in reg. 1898. Thomas Mas, Georgius Nebildow et Siffridus Degenberg supplicant, ut ipsis de diversis beneficiis in Vratislaviensi et Vyšehradensi ecclesiis provideatur. Romae, 1427 Novembris 16. B. p. Dudum vacante decanatu ecclesie Wratislaviensis per mortem quondam domini Conradi, ducis Slesie extra Romanam curiam defuncti, dev. vester Thomas Mas, canonicus dicte ecclesie Wratislaviensis,