426 1030. Praeposito monasterii in [Dolníj Kounice mandatur, ut incorporationem parochialis ecclesiae s. Jacobi in Bruna monasterio Vallis s. Mariae in Oslavany a Roberto, episcopo Olomucensi, olim factam et per Alexandrum IV. ac Bonifatium IX. confirmatam denuo auctoritate apostolica confirmet. Romae, 1423 Martii 12. D. f. preposito monasterii in Cunicz per prepositum soliti gubernari Olomucensis diocesis salutem et apostolicam benediccionem. Iustis et honestis supplicum votis ... Exhibita siquidem nobis nuper pro parte dd. in Christo ff. abbatisse et conventus monasterii Vallis s. Marie de Oslavia Cisterciensis ordinis Olomu- censis diocesis peticio continebat'), quod olim clare me. Primislaus, rex Bohemie, zelo devocionis accensus ac cupiens terrena in celestia et transitoria in eterna felici commercio commutare, ius patronatus parrochialis ecclesie, tunc capelle, s. Jacobi in Brunna dicte diocesis, ad eundem regem tunc legitime pertinens, prefatis abbatisse et conventui, bo. me. Riperti, tunc episcopi Olomucensis, ad hoc expresso accedente consensu, imperpetuum pia largicione concessit atque donavit illudque realiter transtulit in easdem, et deinde idem episcopus eandem ecclesiam, quam prius ipse de capella in parrochialem ecclesiam auctoritate ordinaria erexerat et cuius viginti, eidem monasterio, cuius ducentarum marcharum argenti fructus ... valorem annuum non excedunt, eadem auctoritate imperpetuum incorporavit, annexuit et univit. Ac subsequenter abbatissa et conventus prefate donacionis et translacionis necnon annexionis, unionis et incorporacionis earundem vigore possessione seu quasi iuris patronatus et ecclesie predictorum adepte, donacionem et translacionem ac ... incorporacionem predictas per fe. re. Alexandrum papam III. primo2) et successive per quondam Bonifacium VIII. in eius obediencia ... tunc nominatum3) obtinuerunt, ut asserunt, auctoritate apostolica confirmari. Cum autem ... abbatissa et conventus prefate dubitent donacionem ... et confirma- cionem predictas ac alia inde secuta ex certis causis viribus non subsistere seque super dicta ecclesia posse imposterum molestari, pro parte earundem abbatisse et conventus nobis fuit humiliter supplicatum, ut, cum eciam ipse per centum annos et ultra in huiusmodi possessione vel quassi iuris et ecclesie predictorum fuerint, prout existant, ipsasque a dicto monasterio, quod in finitimis partibus hereticorum et scismaticorum ac christiane religionis inimicorum situatum existit, propter insolenciam eorundem pro salute sua ac ad evi- tandum pericula sepius fugere et declinare oportet ad ecclesiam prelibatam, donacioni et ... confirmacioni predictis pro illarum subsistencia firmiori robur apostolice confirmacionis adiicere de benignitate apostolica dignaremur. Nos igitur de premissis certam noticiam non habentes, huiusmodi supplicacionibus inclinati, discrecioni tue per apostolica scripta committimus et mandamus, quatinus, si est ita, donacionem ... et con- firmacionem ipsas et quecunque inde secuta auctoritate nostra confirmes ac suppleas illos defectus, qui ob solemnitates omissas, que in talibus a iure requiruntur, forsan intervenerint in premissis. Non obstantibus constitucionibus apostolicis et aliis contrariis quibuscunque. Datum Rome apud s. Petrum IIII. id. Marcii pontificatus nostri a. sexto. X sub plica sin.: X in plica dext.: in tergo: X A. Fidelis Pro A. de Grifonibus Jo. de Montemonacho R[egistrata] Franciscus de Agello Litterae originales in pergameno scriptae cum bulla plumbea in filo canapis appensa in collectione litterarum et epistolarum archivi municipalis Brunae sub num. 260 asservantur — 1) Vide num. proxime praecedentem — 2) Recte Alexandrum IV., cuius litteare die 28. Januarii 1261 emanatae in CDM III, pag. 296, num. 305, typis excusae sunt - 3) Vide Mon. Boh. Vat. V, pag. 730-731, num. 1339 1031. Christophorus Pileatoris de Feldkirchena), presbyter Salzburgensis dioecesis, supplicat, ut sibi de parochiali ecclesia s. Venceslai in Troskotoviceb) Olomucensis dioecesis, ad collationem abbatissae et con-