584 1460. Adam de Býchory, rector parochialis ecclesiae in Nezvéstice Pragensis dioecesis, supplicat, ut sibi de parochiali ecclesia in Vtelno dictae dioecesis, super qua in palatio apostolico cum Johanne Michaelis de Praga nunc defuncto litigavit, provideatur. Romae, 1425 Augusti 31. B. p. Alias lite introducta inter dev. vestrum Adam de Bichor presbiterum actorem et Johannem Micha- elis de Praga, reum et possessorem, de et super parrochiali ecclesia in Wtelna Pragensis diocesis ... et ad aliquos actus iudiciales coram domino Geminiano de Prato, dicte cause auditore, in prima instancia pro- cesso, dictus Adam parrochialem ecclesiam in Nezwiesticz dicte Pragensis diocesis, tunc certo modo vacantem, extitit assecutus pacifice, et tandem dictus Johannes, adhuc in possessione dicte ecclesie existens, prefata lite sic indecisa pendente extra Romanam curiam et in partibus decessit. Asseriturque a nonnullis dicto Johanni nullum ius in prefata ecclesia parrochiali in Wtelna seu ad eam compeciisse et eandem eccle- siam per assecucionem dicti Ade quoad prefatam aliam ecclesiam in Nezwiesticz vacasse et adhuc vacare. Quare supplicat... idem Adam, quatenus sibi de dicta ecclesia parrochiali in Wtelna, cuius fructus etc. octo marcharum argenti... valorem annuum non excedunt, ... dignemini misericorditer providere. Non obstan- tibus canonicatu et prebenda in ecclesia s. Georgii in castro Pragensi ac prefata ecclesia in Nezwiesticz, quorum fructus ... decem et octo marcharum argenti... valorem annuum non excedunt et dudum per here- ticos detinentur, necnon quod virtute gracie per Stem Vram sibi facte in canonicum ecclesie Pragensis sit receptus, in qua prebendam expectat, et quod cum ipso, ut duo incompatibilia tenere possit, per eandem Stem Vram extitit dispensatum... Concessum ut petitur. Datum Rome apud ss. Apostolos pridie kal. Septembris a. octavo. R. Suppl. 186 (lib. IV de vacant. per concessum a. octavo), fol. 55-55' — In marg.: Adriensis, H. prothonotarius 1461. Tenori litterarum Johannis XXIII. super condemnatione librorum et articulorum Johannis Wiklef in registris apostolicis reperto et ad instantem petitionem Michaelis, plebani parochialis ecclesiae s. Adalberti sub Zderaz Pragensis, praesentibus inserto, quandocumque et ubicumque exhibitus fuerit, eadem fides ut litteris originalibus adhibenda esse pronuntiatur. Romae, 1425 Septembris I. Ad futuram rei memoriam. Tenorem quarundam litterarum bo. me. Baldassaris, episcopi Tusculanen- sis, tunc Johannis pape XXIII. nuncupati, in registris litterarum apostolicarum repertum ad d. f. Michaelis, plebani ecclesie parrochialis s. Adalberti sub Sderass Pragensis, supplicacionis instanciam presentibus fecimus annotari, qui talis est: sequitur tenor litterarum Johannis XXIII. ddtis 1413 Februarii 2 et 1413 Februarii 8 - vide Mon. Boh. Vat. VI, pag. 443, num. 754, et pag. 446, num. 761; conf. etiam pag. 97 huius libri. Ceterum, ut earundem litterarum tenor presentibus sic insertus omnimodam rei seu facti certitudinem faciat, presencium auctoritate decernimus, ut illud idem robur eamque vim eundemque vigorem dictus tenor per omnia habeat, que haberent originales littere supradicte, et eidem tenori fides adhibeatur, quandocunque et ubicunque in iudicio vel alibi, ubi fuerit exhibitus vel ostensus, et eidem stetur firmiter in omnibus, sicut eisdem litteris originalibus staretur, si forent exhibite vel ostense. Nulli ergo etc. nostre constitucionis infringere etc. Si quis etc. Datum Rome apud ss. Apostolos kal. Septembris a. octavo. R. Vat. 358 (Mart. V. Divers. de curia a. I.-XIII.), fol. 145'-148 — Supra dext.: Pinchon — In fine: Ja. de curia de Cerretanis 1462. Martinus Pauli de Kroměříž, presbyter Olomucensis dioecesis, supplicat, ut sibi de altari s. Venceslai in ecclesia Olomucensi, ad quod per Albertum, ducem Austriae et marchionem Moraviae, huius altaris