516 nonnulla alia contra inhibiciones ecclesiasticas temere deferunt, nos ad obviandum premissis nostras litteras desuper fieri fecimus in hec verba: Martinus etc. universis christifidelibus presentes litteras inspecturis salutem et apostolicam benediccionem. Super universum gregem dominicum (etc., vide num. proxime prae- cedentem). Datum Rome apud s. Mariam Maiorem VIII. kal. Decembris pontificatus nostro anno octavo. Quocirca fraternitati tue in virtute sancte obediencie et sub excommunicacionis pena districte precipiendo mandamus, quatenus ... litteras prefatas per civitatem et diocesim tuam solemniter publices et publicari facias, eos, quos huiusmodi res diligenti inquisicione previa deferre aut detulisse senseris, nominatim denunciando excommunicatos ac prefatas incidisse penas necnon mandando ab omnibus fidelibus evitari, procedens contra illos et ad illorum debitam punicionem intendens, donec de scelere suo a nobis vel legato de latere sedis apostolice contra dictos hereticos destinato condigna satisfaccione facta veniam meruerint obtinere. Datum Rome apud s. Mariam Maiorem VIII. kal. Decembris pontificatus nostri a. octavo. R. Vat. 355 (Mart. V. De curia a. VII.-IX.), fol. 132'-133 — Supra: (sin.) Poggius; (dext.) De curia — In fine: (sin.) Coll. per me Ant.; (dext.) P. de Marganis — In fol. 133' registrorum mentio aliarum litterarum eiusdem tenoris, quae Olomucensi, Ratisbonensi, Misnensi et Bambergensi episcopis sub eisdem datis missae sunt, legitur - Typis excusum apud Palacký, Urkundliche Beiträge I, pag. 367-369, num. 317 — Rep. Germ. IV, col. 3080, 3254-3255, 2809. 1275. Pro parte collegiatae ecclesiae in oppido Kroměříž Olomucensis dioecesis supplicatur, ut omnibus dictam ecclesiam in certis festivitatibus visitantibus indulgentiae concedantur. Romae, 1424 Novembris 29. B. p. Dudum ecclesia collegiata s. Mauricii et sociorum eius martirum in opido Cremsir Olomucensis diocesis, quod principale episcopatus Olomucensis existit, a primeva eius fundacione cum ornamentis ecc- lesiasticis, videlicet clenodiis, calicibus et diversis libris, fuerit solempniter fundata, dotata et edificata et precipue per christifideles utriusque sexus christicolas visitata propter camisiam b. Marie virg. gloriose, que adhuc remansit et in tuto loco conservatur. Verum, pater sancte, prefata ecclesia et oppidum predictum ipsius episcopatus et coram quo alias dev. creatura eiusdem Sts Johannes, episcopus Olomucensis, letaliter per nephandos Hussitas hereticos lesus fuerat et dicta ecclesia cum omnibus ornamentis ecclesiasticis in toto, dicta camisia dumtaxat miraculose, ut pie creditur, salvata, combusta, destructa et spoliata existat et nullo modo in edificiis et ornamentis ecclesiasticis reparari et reformari poterit, nisi de clemencia Sus Vre et christifidelium suffragio subveniatur et succurratur. Et ne imposterum muri ipsius ecclesie, qui adhuc remanserunt, paciantur in toto ruinam, dignetur Stas Vra omnibus christifidelibus vere penitentibus et confes- sis, qui eandem ecclesiam dicti sancti et sociorum eius et in dedicacione eiusdem ecclesie ac aliis festivitatibus in cancellaria dari consuetis devote visitaverint vel qui ostensioni huiusmodi camisie tociens quociens devote interfuerint et pro reparacione et reformacione edificiorum et ornamentorum ecclesiastico- rum huiusmodi ecclesie et pertinencium ad eandem manus porrexerint adiutrices, decem annorum et totidem quadragenarum indulgencias perpetuas duraturas, et quod prefatus episcopus et sui successores ac decanus [et] prepositus eiusdem ecclesie habeant nominare [et] deputare canonicos seu vicarios disciplina- tos [et] per civitatem et provinciam Strigoniensem dirigere valeant, qui de voluntate et consensu domini archiepiscopi Strigoniensis possent dictas indulgencias publicare et ad noticiam omnium christifidelium deducere..., concedere et elargiri dignemini... cum clausulis oportunis. Fiat in forma O. Datum Rome apud ss. Apostolos tercio kal. Decembris a. octavo. R. Suppl. 182 (lib. I de vacant. per fiat a. octavo), fol. 10'-11 1276. Pro parte parochialis ecclesiae in Döbelna) sub vocabulo s. Nicolai fundatae Misnensis dioecesis supplicatur, ut omnibus dictam ecclesiam et eius porticum in certis festivitatibus visitantibus et pro orna-