607 1522. Restitutio bullae pro Johanne ſdel Budissin super perpetua vicaria in ecclesia s. Crucis Vratislaviensi. 1426 Januarii 24. Die dicta [XXIIII. mensis Januarii 1426] una bulla pro Johanne Budissin super perpetua vicaria in ec- clesia s. Crucis Wratislaviensi, cuius fructus quatuor marcharum argenti puri com. ext., fuit restituta sine obligacione. alia manu adscr.: Ita est. N. de Valle. Arch. Vat., Fondo dell' Arch. di Stato: Lib. oblig. annat. 2 (a. 1424-1427), fol. 270° - Rep. Germ. IV, col. 1683 1523. Tenori litterarum a Constantiensi concilio dudum emanatarum in quodam libro huius concilii reperto et ad instantem petitionem Michaelis de Broda Theutonicali, rectoris parochialis ecclesiae s. Adalberti sub Zderaz Pragensis, praesentibus inserto, quandocumque et ubicumque exhibitus fuerit, eadem fides ut litteris originalibus adhibenda esse pronuntiatur. Romae, 1426 Januarii 25. Ad perpetuam rei memoriam. Apostolice sedis precellens auctoritas ad hoc libenter intendit, ut ea, que per Constanciense concilium, presertim pro extirpandis heresibus, provide et salubriter statuta sunt, ad noti- ciam christifidelium deducantur et firmiter observentur. Hinc est, quod nos tenorem quarundam litterarum a dicto concilio super quandam constitucionem dudum per ipsum concilium editam emanatarum et in quodam libro in eodem concilio conscripto, in quo eciam alie ipsius concilii constituciones et littere regist- rate inveniuntur, quas nos in primordio assumpcionis nostre ad summum apostolatus apicem ex certa sciencia auctoritate apostolica approbando duximus innovandas, repertum et registratum, ut de ipso eciam alibi, ubi oportunum fuerit, plena certitudo habeatur, ad d. f. magistri Michaelis de Brodatheutunicali, recto- ris parrochialis ecclesie s. Adalberti sub Sderass Pragensis, procuratoris causarum fidei asserentis se de ipso tenore pro stabilitate eiusdem fidei in Romana curia et extra illam indigere, supplicacionis instanciam de libro ipso extrahi et presentibus annotari fecimus, qui sequitur per omnia in hec verba: (sequitur decretum Constantiensis concilii die 15. Junii 1415 in 13. sessione promulgatum, cuius tenor, qui verbis „Cum in nonnullis mundi partibus“ incipit, apud Mansi, Sacrorum conciliorum nova et amplissima collectio, tom. XXVII, pag. 727-728, et apud Hardouin, Acta conciliorum, tom. VIII, pag. 381-382, ac novissime in Mon. Boh. Vat. VI, pag. 630-631, num. 1100, typis excusus est; conf. etiam pag. 98 huius libri). Volumus igitur et eadem auctoritate decernimus, quod idem tenor plenam vim plenumque robur per omnia habeat et ei, quandocunque et ubicunque, sive in iudicio vel alibi, exhibitus fuerit, stetur firmiter et adhibeatur plena fides, ac si littere originales suprascripte exhibite fuerint vel ostense. Nulli ergo etc. Si quis etc. Datum Rome apud ss. Apostolos octavo kal. Februarii a. nono. R. Vat. 358 (Mart. V. Divers. de curia a. I.-XIII.), fol. 155-156' — Supra sin.: Cincius — In fine: Ja. de curia de Cerretanis 1524. Vladislaus, rex Poloniae, rogatur, ut omni studio velit incumbere ad exstirpationem et desolationem perfidorum haereticorum Bohemiae. Romae, 1426 Januarii 28. Carissimo in Christo filio Wladislao, regi Polonie illustri, salutem etc. Cum rogaremur ex parte caris- simi in Christo filii nostri Sigismundi, Romanorum regis illustris, ut, cum ipse intenderet accedere personaliter ad expugnationem perfidorum hereticorum Boemie, requireremus serenitatem tuam, ut ipsa quoque personaliter cum suis viribus debitum auxilium ad perficiendum tantum bonum prestare vellet, locuti sumus super hoc cum oratoribus tue celsitudinis rogantes, ut te ad tam sanctum negotium nostri parte