475 1159. Episcopus Lubucensis et Vratislaviensis ac b. Mariae in Szczecina) Caminensis dioecesis ecclesiarum praepositi conservatores Andreae, episcopi Poznaniensis, ad triennium deputantur. - „Ad hoc nos deus pretulit“ — „Datum Rome apud s. Petrum decimo kal. Februarii a. septimo. Romae, 1424 Januarii 23. R. Vat. 358 (Mart. V. Diversorum de curia a. I.-XIII.), fol. 87 - In fine: Franciscus XXX de Agello - Rep. Germ. IV, col. 103 — 1) ,Stetinensis' in reg. 1160. Paulus [de] Hotzenplotz (Osoblaha), presbyter Olomucensis dioecesis, executor ultimae voluntatis Johannis Czindal, clerici Vratislaviensis dioecesis, supplicat, ut in domo, quam dictus Johannes in civitate Vratislaviensi habuit et tribus mulieribus saecularibus, quae in eodem domo habitarent, legavit, tres pres- byteros locare possit. Romae, 1424 Januarii 31. B. p. Dudum quondam Johannes Czindal, clericus Wratislaviensis diocesis, in sua ultima voluntate quondam Stephanum Rotkegel laicum et Magdalenam de Lopticz mulierem dicte diocesis in executores tes- tamenti sive ultime sue voluntatis instituit et elegit ac inter cetera disposuit et ordinavit, quod post eius mortem domum suam, quam in civitate Wratislaviensi habuit, tres mulieres seculares perpetuis temporibus inhabitare deberent, prefatoque quondam Stephano vita functo et dicta Magdalena execucioni testamenti... huiusmodi interesse non valens et ideo se ab execucione huiusmodi testamenti ... omnino volens exone- rare, dev. vestro Paulo Hoczimplocz, presbitero Olomucensis diocesis, vices suas in hac parte et execucionem testamenti huiusmodi cum consensu episcopi Wratislaviensis totaliter commiserat, dictusque Paulus volens ultimam voluntatem dicti testatoris fideliter adimplere, ut tenebatur, tres mulieres seculares ad dictam domum posuit et locavit..., dicteque mulieres ad dictam domum ...posite et locate nullomodo valeant se in ea amicabiliter concordare et ideo plurima scandala ibidem de die in diem committuntur. Quare ad obviandum scandalis et ut dicta domus eo melius in esse reservetur ac anime dicti testatoris exinde salubrius provideatur, supplicat St Vre dictus Paulus, quatenus, ut ad dictam domum tres presbiteros licite locare valeat, dignemini misericorditer dispensare, voluntate dicti testatoris ... ac aliis in contrarium editis non obstantibus quibuscunque... Fiat prout de iure O. Datum Rome apud s. Petrum pridie kal. Februarii a. septimo. R. Suppl. 174 (lib. Il de vacant. per fiat a. septimo), fol. 158—158' - Rep. Germ. IV, col. 3089 1161. Pro parte monasterii monialium s. Mariae in Znojmo supplicatur, ut abbatissa dicti monasterii semel vel bis in anno villas et alia bona dicti monasterii personaliter visitare valeat. Romae, 1424 Februarii 3. B. p. Exponitur St V" pro parte religiosarum abbatisse et conventus monialium monasterii s. Marie in Znoima diocesis Olomucensis ordinis s. Clare, qualiter per nephandam sectam Wiklefistarum et aliorum hereticorum necnon per inordinata regimina villicorum, qui sepius illa, que monasterio presentare debent, pro se usurpare non verentur, quasi omnia bona dicti monasterii sunt destructa, propter quod dicte moniales ex regula sint incluse nec sine licencia monasterium possunt exire et sic non valent ipsis de remedio provi- dere oportuno. Supplicatur igitur..., quatenus ipsis de gracia speciali misericorditer dignemini indulgere ac dispensare cum eisdem, quod abbatissa, que nunc est seu fuerit in futurum, adiunctis sibi duabus aut tribus senioribus eiusdem monasterii monialibus, semel vel bis dumtaxat in anno quolibet villas, predia et alia bona dicti monasterii ad conspiciendum, reformandum, census et alios redditus colligendum valeat et possit personaliter visitare...