565 pus, tunc Johannes XXIII., d. f. preposito monasterii in Cunicz per prepositum soliti gubernari dicte dioce- sis, eius proprio nomine non expresso, suis dedit litteris in mandatis, ut, si esset ita, in Rudwicaw et in Dreskowicz dicte diocesis parrochiales ecclesias, que de iure patronatus dicti monasterii existebant, cum omnibus iuribus et pertinenciis suis eidem monasterio imperpetuum uniret, incorporaret et annecteret..., prout in ipsis litteris dicitur plenius contineri.1) Cum autem... postmodum eedem abbatissa et conventus prefatarum ecclesiarum... vigore unionis ... et incorporacionis predictarum, que tunc in vim earundem lit- terarum facte fuerunt, possessiones apprehendentes, illas extunc in earum et dicti monasterii usus tenuerint, prout tenent de presenti, ... pro parte earundem abbatisse et conventus asserencium, quod ecclesiarum vigintiduarum et monasterii predictorum centum marcharum argenti puri fructus ... valorem annuum non excedunt, nobis fuit humiliter supplicatum, ut unioni, annexioni et incorporacioni predictis pro earundem subsistencia firmiori robur apostolice confirmacionis adiicere de benignitate apostolica dignaremur. Nos igitur, qui de premissis certam noticiam non habemus, huiusmodi supplicacionibus inclinati, discrecioni tue per apostolica scripta mandamus, quatenus, si vocatis, quorum interest, ita esse reppereris, ... unionem, annexionem et incorporacionem predictas ... auctoritate nostra approbes pariter et confirmes, supplendo omnes defectus, si qui forsan intervenerint in eisdem. Datum Rome apud ss. Apostolos sexto kal. Julii a. octavo. R. Lat. 256 (Mart. V. a. VIII.), fol. 141'—142 (De regularibus a. octavo) — Supra dext.: N. Volrat — In fine: Pe. XX de Casaciis— 1) Vide Mon. Boh. Vat. VI, pag. 482-483, num. 837 1408. Supplicatio Siffridi Degenberg, medici regis Romanorum, ad canonicatum et praebendam ecclesiae Vratislaviensis se referens suppletur. Romae, 1425 Junii 27. B. p. Cum in peticione, cuius copia prescribitur, ex inadvertencia omissum est exprimere, quod contra ipsum Sifridum et pro dicto Nicolao due diffinitive sentencie adiudicatorie cum condempnacione fructuum et expensarum late fuerunt)), supplicat igitur Sti Vre humiliter dictus Sifridus, quatenus litteras apostolicas super dicta peticione conficiendas ... expediri mandare dignemini cum non obstanciis et clausulis in dicta peticione contentis et aliis oportunis. Concessum ut petitur. Datum Rome apud ss. Apostolos quinto kal. Julii a. octavo. R. Suppl. 183 (lib. II de vacant. per concessum a. octavo), fol. 273' — In marg. dext.: R° Sifridi de Genberg, Romanorum regis medici, de et super canonicatu et prebenda ecclesie Wratislaviensis - Rep. Germ. IV, col. 3351 — 1) Vide num. 1396 1409. Everhardus Everhardi de Osterburg, canonicus Stendaliensis, supplicat, ut sibi de parochiali ecclesia in Nysa Vratislaviensis dioecesis, super qua in palatio apostolico cum suis adversariis litigat, quorum Jacobus Drenow, eiusdem palatii cursor, omni iuri ipsi in illa ecclesia quomodolibet competenti cessit aut cedere proponit, provideatur. Romae, 1425 Junii 27. B. p. Dudum lite introducta in palacio apostolico inter dev. vestrum Everardum Everardi de Oster- borch, canonicum Stendaliensem Halberstadensis diocesis, ex una et quendam Jacobum Eichholcz, assertum presbiterum Wratislaviensis diocesis, super parrochiali ecclesia in Nissa dicte Wratislaviensis dio- cesis ... partibus ex altera, Everardus ipse pro se et contra dictum Jacobum duas diffinitivas adiudicatorias ... reportavit sentencias, a quarum ultima appellato et causa appellacionis huiusmodi... domino Johanni de Bononia ... auditori commissa, in qua ad nonnullos actus iudiciales, citra tamen conclusionem, extitit processum, et nichilominus eciam causa super eadem ecclesia ... inter eundem Everardum... et quendam Johannem Schutte, assertum decanum ecclesie Tarbatensis, de consensu parcium earundem commissa ...