13. RADA MĚSTA CHEBU PÍŠE NORIMBERSKÝM O BOJÍCH U ŽLU- TIC, BISKUPSKÉ TÝNICE A O OBLÉHÁNÍ GUTŠTÝNA 1422. květen, 8., Cheb. Archives de la ville, Strasbourg, A A. 155, No 19a DEN erbern in weisheit fursichtigen burgmeistern vnd rate der stat zü Nuremberg, vnsern lieben herren vnd guten freunden. Erbern in weisheit fursichtige lieben herren vnd besunder gunstige freunde! Vnser behegliche freuntliche dinst wißt alczeit willig voran bereit. Vns haben vnser gut freunde, die von Brux von vnsers gnedigisten herren, des Römischen etc künigs wegen geschriben, als wir euch ein abschrifft hie mit senden, als ewr freuntschafft wol vernemen wirdt, auch als ewr liebe als wir meinen vor wol mag vernomen haben wie die Hussen in Pilsner, Tachawer vnd Myser kreyse so mechticlichen geregniert vnd Lutitz, die stat an dem heiligen ostertag gewannen vnd syben früm priester de ver- brant, vnd die burger daselbst vnd bey hundert reysigen dewtschen gesellen, die da lage[n], gefangen vnd hin gefurt vnd die statmawr daz mererteyl der nydergelegt vnd die stat gar ausgeprannt haben, vnd darnach das sloss Gutenstein auch gewannen, bey anderhalb hundert reysige gesellen darauf gefangen vnd auch hinweg gefurt haben; vnd darnach komen sie fur die Myse vnd lagen da vor einem mittemtage bis czu dem andern vnd namen auch etwas scheden daselbst. Darnach czügen si fur Bischoffsteyncz, vnd also machten die herren vnd stette desselben kreyses ein sammnunge vnd darczü wir vnser vermügen bey achthundert güts volks vnd steinpüchsen, hantpuchsen vnd tarraspuchsen auch sandten, vnd also daz bey XM guts volks czü röss vnd czü fusse czüsamen komen, vnd wolten die Hussen bestritten haben; vnd als die Hussen daz also vernamen, daz das here köm vnd mit in streiten welte, da fluhen vnd wurden sie flüchticlich hinweg in die stete, gen Tawst, Glataw, Prage, Sacz, Lawn, Slahen vnd yederman heym, dannen er komen was vnd wolte des streytes nicht erpeyten, vnd dennoch haben die auz dem stettel Bischofsteincz der Hussen bey IIIC oder mer erslagen oder erstochen, als die Hüssen an sie sturmeten, vnd meynten sie auch czü gewynnen, vnd das alles tün wir euch in guter freüntschaft also czü wissen. Vnd also sie die vnsern ieczund aber bey XIIII tagen czü Beheim gewesen vnd 86