Sigismundi regis litterae donationum. Slawkow, fidelis noster dilectus, complacuit hactenus et complacere poterit eo gracius in futurum, sibi animo deliberato et ex certa nostra sciencia omne ius nostrum nostre celsitudini competens in villa Lhoticze et una curia ibidem cum una aratura et singulis suis pertinenciis, que propter hereticam pravitatem, qua Theodericus Wacha involutus extiterit, ac eciam post mortem dicti Theoderici et eius uxoris, que dotalicium suum in dictis bonis habuerat, ad nos devoluta dicuntur, si et in quantum ad nos rite devoluta sunt, damus auctoritate regia, graciose conferimus et donamus per ipsum et heredes suos habenda, tenenda et in usus suos convertenda, mandantes universis et singulis nostris officialibus ac ceteris, quorum interest, quatenus prefatum Johannem et heredes suos in predictis bonis sic ad nos devolutis, ut premittitur, non impediant seu molestent, quin- pocius eos circa ea protegant effectualiter et defendant in premissis, tamen aliorum quorumlibet iuribus semper salvis, presencium sub nostri regalis sigilli appensione testimonio literarum. Datum Brune, anno Domini MCCCCXXI°, f. V. post festum s. Elisabet, regnorum nostrorum anno Hungarie oc XXXV, Romanorum XII, Bohemie vero secundo. Per dominum Wenceslaum de Duba subcamerarium, M[ichael] prepositus Boleslaviensis. 5. Král Zikmund Mrakšovi z Radimovic povoluje spolek se sirotkem po Oldřichovi z Klazar. — V Kutné Hoře, 24. prosince 1421. — (A. XVI.) Litera Mraxonis de Radymowicz. — In Budweis. Sigismundus oc. Notum facimus tenore presencium universis, quod attentis et diligenter inspectis gratis, fidelibus et acceptis obsequiis, plu- rimum per famosum Mraxonem de Radymowicz, fidelem nostrum dilectum, nostre celsitudini hactenus inpensis et futuris temporibus studiosius inpen- dendis, non per errorem aut inprovide, sed animo deliberato et de certa sciencia sibi congressum seu unionem in vulgari spolek nuncupatum cum orphano Vlrici de Glazar et in bonis ad ipsum orphanum hereditarie pertinentibus necnon et ipsius orphani tuicionem dedimus et concessimus, damus et concedimus vigore presencium graciose, ita videlicet, quod pre- fatus Mraxo se de prefato orphano et ipsius bonis hereditariis nomine tutorio intromittat, regat et pro utilitate orphani eadem dirigat fideliter et dispensat (sic), non minuendo, sed augendo, quousque idem orphanus non protinget ad annos discrecionis. In casu eciam, quo prefatum orphanum in etate minorennitatis decedere contingeret, extunc volumus, quod pre- fati orphani bona ad prefatum Mraxonem et ipsius heredes penitus devol- vantur, salvis tamen iuribus alienis, presencium sub nostri regalis sigilli appensione testimonio literarum. Datum in Montibus Kutten, anno Domini M'CCCC XXVII° (sic), in vigilia nativitatis Christi, regnorum nostrorum anno Hungarie oc XXXV°, Romanorum XII°, et Boemie II°. Per dominum Jo[annem] de Swihow Michael prepositus Boleslaviensis.