1426. 99 durch dez willen, daz her mir .. unde willig in allen sachen gewest ist von myns genedigen hern wegen, daz ich im gerne danke, unde bitte uch, daz ir nicht gloubet, ab uch imandez anders von im sagete. gegeben under mym ingesigel. dominica ante Georgii czu Awsig. Caspar Rechenberg, heutmann czu Awsig. Den ersamen unde wyesen burgermeister unde dem ganczen rathe der stat Lipczig, mynen besundern guten frunden. Zeddel: Ouch alz [sie] den selben uwern dyner bered haben von der armbroste wegen, dy hynne bleben sind, als laße ich uch wissen, daz ich den selben uwern dyner Nicklaus mit namen geheissen unde gebeten habe, dy selben besten armbrost hynne behalden, und gloube uch wol, in nicht dor umbe czu vordenkene. Codex diplom. Saxon. 2. Hth. VIII. B. S. 97. [200.] Kurfürstin Katharina befiehlt dem Rathe zu Leipzig, die noch rückständigen Schützen ohne Verzögerung nach Altzelle abgehen zu lassen. 1426, April 24. Colditz. 1426 April 24. Liben getruwen. wenne uns ware botschaffe komen ist und yczund y und y° kommet von Awsk und Brux, daz die ketczer czu Behemen mit den Taborn von Merern und allir yrer macht die stete Bruxs und Awsk meynen zcu oberfallen und mit storme zcu benotigen, und yczund yre buchsen, bliden, leitern und anderem geczug geladen und einteil gein Belyn bracht haben, davon begern wir von uch mit ganczem ernstem fliesse, daz ir euwer schucczen, die uch unser liber herre zcu folge zcugeschreben hat, was ir der noch der czal nicht zcu Behemen hettet, von stundan ußrichtet und bestellet, daz die uf dissen nehesten fritag uf den aband in die Celle kommen lasset und nach unsers voites von Miessen anwisunge halden, und last daz in keinenwieß, wenne unserm hern und synen landen grosse macht daran gelegen syn; dar an tut ir uns wol zcu- dangke. gegeben zcu Coldicz am mittewochen nach jubilate anno ec XXVI°. (Ouch wie wol uch unser liber herre nehest achczen schutczen zcugesagt hat, und meynete, dar an eyne genuge zcu- haben, so last uch nicht swer sien und richtet uch dye oberygen schutczen awß, daran tut ir uns zcu dangk. gegeben ut supra. Dem rate zcu Lipczk, unsern liben getruwen. Codex diplom. Saxon. 2. Hth. VIII. B. S. 98. [201.] Wenzlaw, des Leipziger Raths Diener zu Aussig, theilt Nachrichten über die Fort- schritte der Ketzer und über den Zustand der Leipziger Hilfstruppen mit. 1426, Mai 6. (Aussig.) 1426 Mai 6. Meynen willigen undertenigen dinst zcuvor. ersamer weiser libir burgirmeistir. ich thu euch wissen, daz dy rede hy zcu Ausk also geet und ist auch yn der worheit also, daz der Rohacz mit den sein Bensaw gewonnen hat und doselbist irmort bey drithalbhundert menschen und bey hundirten gefangen, und hot burgirmeistir, richtir und schepphen mit den fusen ofgehangen und kinder tod geslagen, waz obir XII jar gewest ist; und daz habin sy ausgebrant und sint vort geruckt vor dy Leipe und hern do selbist umb dy stad und hetten do mer helfir. auch sint dy Preger und dy Thaborn mit andern irn helfern also nu nehest an dem suntage zeu dem cleynen Bunczlaw of eynem tage gewest, und wy sy sich do gescheiden haben, daz kunnen wir noch eigint- lich nicht gewissen, sunder Preger geczewg also buchsen und bleiden dy steen zcu Prage allir geladen, unde dy rede geet also, wen sy alle zcusamme komen, daz sy nyrne andirswo willen haben, den vor Ausk. auch, libir burgirmeistir, thu ich euch wissen, daz dy gesellen clagen, daz sy mit nichte sich mogen betragen hynne von der hofespeise, und haben mich vort angelanget 13*