115 221. 1425, März, 30, Zittau. Dem Pfarrer von Ratsch wird von den Bistumsadministratoren aufgetragen, die nach dem Tode der bisherigen Abtissin Elisabeth neuerwählte Abtissin Elisabeth von Wartenberg-Tetschen in Teplitz zu proklamieren und in ihr Amt einzuführen. Uber Widerspenstige und Rebellen, die sich der konfirmierten Abtissin widersetzen, ist die kirchliche Strafe zu verhängen. Emler, Lib. conf. IX, 95, 96, 97. Vicarii in spiritualibus archiepiscopatus Pragensis vobis honorabilibus viro et plebano ecclesie in Hradisczt prope Teplicz salutem in Domino. — Noueritis, quod ex decreto eleccionis coram nobis pro parte religiose domicelle Elizabeth de Wartenberg alias de Dyeczin in abbatissam monasterii Teplicensis electe exhibito accepimus, qualiter defuncta bone memorie Elizabeth, quondam dicti monasterii abbatissa, vltime et immediate ejusdem monasterii rectrice, ipsiusque corpore cum debita reuerencia eccle- siastice tradito sepulture, religiose domicelle Elizabeth, priorissa de Radowyessicz, Benigna custrix, Anna magistra coquine, Agnes celeraria, Margaretha de Prassyeticz, Katherina de Myllessow, Manyczka de Struzyenecz et Margaretha de Teplicz cetereque sorores conuentus monasterii sanctimonialium in Teplicz antedicti ordinis s. Benedicti, Prag. dioc., considerantes, quod diutina vacacio ecclesiarum regularium non sit utilis et quod ex hujusmodi vacacione ipse ecclesie regulares in spiritualibus et temporalibus grauia paciantur dispendia, igitur post dictam vacacionem quamcito simul ad locum securum conuenire potuerunt, premissis inter se debitis tractatibus, ad eleccionem future abbatisse procedere decreuerunt diem certam ad hoc faciendum pro termino statuentes. In quo termino Spiritus sancti gracia invocata omnes vnanimiter et concorditer, ut verisimiliter presumitur, eodem Spiritu sancto inspirate in prefatam domicellam Elizabeth de Wartenberg, dicti monasterii professam ac in etate legittima constitutam, in spiritualibus et temporalibus prouidam et circumspectam, bone vite et laudabilis conuersacionis, vota sua direxerunt ac ipsam in ipsarum et dicti monasterii abbatissam elegerunt. Que domicella Elizabeth hujusmodi eleccioni consensit, prout hec in decreto eleccionis plenius continetur. Et quia post hujusmodi decreti eleccionis exhibicionem nobis pro parte dicte Elizabeth electe et aliarum domicellarum prescriptarum supplicatum exstitit, ut dictam eleccionem approbare et eidem electe manus confirmacionis nostro ex officio impendere dignaremur: Nos de dicta eleccione et persona electa juxta sacrorum canonum decreta, cridam seu pro- clamacionem facere decreuimus. Quare vobis domino plebano in Hradisczt antedicto de legalitate, circum- spectione et industria vestris plurimum presumentes, committimus per presentes, quatenus, si crida per vos juxta tenorem litterarum prius per nos vobis directarum non sit premissa, vt per vos uel alium quem- cunque plebanum per vos deputandum vno die festiuo uel feriato quocunque infra missarum solempuia in ipso monasterio Teplicensi propter pericula et discrimina viarum hora terciarum die tercia ab hujusmodi proclamacione computando compareant contra hujusmodi eleccionem et personam electam dicturi et allegaturi. Quibus comparentibus ipsis vnacum presentibus ad nos ad diem certam remittatis, alioquin si in dicto termino nullus legittimus apparuerit contradictor aliudque canonicum non obstiterit impedimentum, extunc a prefata domicella Elizabeth electa receptis juramentis primo . .. de exhibenda reuerencia et obediencia domino archiepiscopo Prag. catholico et canonice intrato I!] suisque officialibus et prelatis in spiritualibus, item de obseruandis statutis provincialibus et synodalibus ac ritu ex consuetu- dine per suos capellanos circa ministracionem sacramentorum ecclesiasticorum tenendo et observando, item de non-abstraccione bonorum ipsius monasterii sine sui superioris licencia et si sint aliqua alienata, eorundem recuperacioni juxta posse instare et hoc per tactum sacri ewangelii, eleccionem antedictam, sicut prescribitur, vnaminiter et concorditer celebratam de domicella Elizabeth . . . auctoritate nostra, qua vos in hac parte fungi volumus, approbetis ipsamque electam ad dictam abbaciam in Dei nomine insti- tuatis et confirmetis ipsamque in abbatissam ipsius monasterii et pastricem preficiatis et preficere curetis, curamque et administracionem spiritualium et temporalium ejusdem abbacie eidem committatis ac in 15*