446 Johannes XXIII. 761. Universis archiepiscopis et episcopis mandatur, ut omnes clericos et laicos de haeresi wiklefiana suspectos inquirant, huiusmodi erroris labe respersos puniant, ipsos ad exhibendum libros Johannis Wiklef compellant atque eosdem libros in aspectu populi publice cremari faciant. Romae, 1413 Februarii 8. Ven. fratribus universis archiepiscopis et episcopis ac dd. ff. electis, abbatibus, prioribus, pre- positis, decanis, archidiaconis et aliis ecclesiarum et monasteriorum prelatis ac inquisitoribus he- retice pravitatis, ad quos presentes littere pervenerint, salutem et apostolicam benediccionem. Nuper in generali concilio, quod adhuc in basilica Principis apostolorum de Urbe pro reformacione et confirmaciones) prosperi status universalis ccclesie celebratur, eodem approbante concilio quos- dam libellos vel tractatus quondam Johannis Wickleff seu per ipsum editos, inscriptos et intitulatos damnavimus et reprobavimus et alia fecimus, prout plenius continetur in nostris inde confectis litteris, quarum tenor sequitur in hec verba: (sequitur tenor litterarum Johannis XXIII. ddto. 1413 Februarii 2 — vide num. 754 huius libri)b) Cum autem ad nostrum non sine displicencia grandi fidedigna relacione pervenerit auditum, quod in nonnullis regnis et provinciis plerique clerici et laici eosdem libellos et tractatus seu eorum copias aut transcripta tam in latino quam vulgari ydiomatibus compositos penes se retineant et errores hereticales dicti Johannis in eis descriptos damnabiliter teneant, approbent et defendant, ipsorumque clericorum aliqui in derogacionem catholice fidei et eorum periculum animarum in sermonibus publicis in ecclesiis, quidam vero ipsorum eciam in scolis eos legere atque dogmatizare necnon astruere eciam publice non formi- dent, non attendentes, quod secundum canonicas sancciones pertinaciter tenentes hereses et erro- res devios a fide prefata et a determinacione sacrorum generalium conciliorum et doctorum per ecclesiam approbatorum et eciam tenentibus ipsis in prefatis erroribus faventes aut quomodolibet consencientes seu ipsis quomodolibet publice vel occulte participantes, cuiuscunque status, gra- dus, ordinis vel condicionis fuerint, eciam si regali vel pontificali aut alia quavis prefulgeant digni- tate, ipso facto sunt excommunicati et maiori anathemate laqueati, a qua nisi per summum ponti- ficem, preterquam in mortis articulo et suos recognoscendo errores ac eosdem publice abiurando, possinte) absolvi, nos, ne per huiusmodi clericorum et laicorum ac corum hereseos labem ac gestus et actus detestabiles ovile contingat dominicum in eisdem regnis et provinciis infirmari, infici vel dispergi, sed tocius populi christiani illarum parcium animarum saluti pocius providere super premissis pastorali sollicitudine cupientes, discrecioni vestre per apostolica scriptad) committimus et mandamus, quatinus in eisdem regnis et provinciis, illis videlicet, in quibus ecclesie et vestre dignitates existunt, ac in vicinis locis insignibus, ubi commode et tute fieri poterit, vos et quilibet vestrum insolidum per vos vel alium seu alios presentes litteras auctoritate nostra solemniter publi- cetis et publicari faciatis ac omnes et singulos huiusmodi errores pertinaciter tenentes et defenden- tes seu ipsis quomodolibet publice vel occulte participantes excommunicatos maiori anathemate publice nuncietis et nunciari faciatis et contra eosdem omnes et singulos clericos et laicos utriusque sexus huiusmodi errores tenentes, approbantes, defendentes, dogmatizantes seu astruentes ac fau- tores, receptores ete) defensores eorundem seu ipsis quomodolibet publice vel occulte in divinis vel alias loco quocunque participantes, exemptos et non exemptos, ac quemlibet ipsorum, de qui- bus vobis constiterit, eciam cuiuscunque gradus, ordinis, status seu dignitatis vel condicionis exi- stant, super erroribus ipsis auctoritate nostra diligenter inquirere studeatis et eos, quos per inqui- sicionem huiusmodi aut per confessionem eorum seu per facti evidenciam vel alias huiusmodi heresis vel erroris labe respersos reppereritis1), auctoritate predicta eciam pers) excommunicacionis, suspen- sionis eth) interdicti necnon privacionis dignitatum, personatuum et officiorum et aliorum benefi- ciorum ecclesiasticorum ac feudorum, que a quibuscunque ecclesiis seu monasteriis aut aliis locis ecclesiasticis obtinent, nec non honorum et dignitatum secularium et graduum scienciarum quarum- cunque facultatum ac per alias penas, sentencias, censuras ac vias et modos quoscunque, quos ad hoc quomodolibet expedire seu oportunas (!) esse videritis, eciam per capciones et incarceraciones