Alexander V. 277 417. Puncta inter collegium cardinalium et oratores Venceslai, Romanorum et Bohemiae regis, in civitate Pisana conventa et conclusa confirmantur. Pistorii, 1409 Decembris 10. Carissimo in Christo filio Wenceslao, Romanorum et Bohemie regi illustri, salutem et aposto- licam benediccionem. Veniens nuper ad presenciam nostram d. f. magister Johannes Nase, decre- torum doctor, tue serenitatis orator, plures eiusdem serenitatis litteras, et inter cetera quoddam instrumentum, in quo illa, que pridem inter collegium venerabilium fratrum nostrorum, s. Romane ecclesie cardinalium, de quorum numero tunc eramus, et dd. ff. oratores tuos tunc in civitate Pi- sana constitutos conventa et conclusa fuerunt1), per eandem serenitatem tuam solemniter con- firmantur, nobis infra statutum terminum presentavit, quod quidem instrumentum, a nobis gra- tanter et cum singulari consolacione susceptum, in presencia eorundem venerabilium fratrum nostrorum legi fecimus et patenter ipsis audientibus recitari, ut sinceritas voluntatis et fervor animi tui omnibus pariter innotesceret, super quibus eandem serenitatem tuam plurimum in do- mino commendantes et dignis laudibus prosequentes hortamur, ut magno et sublimi animo ad efficacem atque laudabilem prosequucionem rerum, prout decet tantum principem, fortiter ani- meris. Super nonnullis autem punctis, que idem Johannes ex parte celsitudinis tue nobis exposuit viva voce, quoniam discussione quadam indigere noscuntur, necdum deliberare potuimus, sed conari intendimus et in hiis et in aliis eandem celsitudinem tuam, quantum cum deo valuerimus, consolari. Datum Pistorii IIII. id. Decembris pontificatus nostri a. primo. sub textu dext.: A. Fidelis in tergo: Carissimo in Christo filio Wenceslao, Romanorum et Bohemie regi illustri Litterae clausae originales in pergameno scriptae in archivo publico centrali Pragae sub sign. ACK 1422 asser- vantur. Bulla plumbea originaliter appensa deest. — In registris Alexandri V. relatio harum litterarum non est reperta. — Typis excusum apud Pelzel, Lebensgeschichte des. rom. und böhm. Königs Wenceslaus, 2. Teil, Urkundenbuch, pag. 129, num. 219. Item in Deutsche Reichstagsakten VI, pag. 599, num. 323 — Reg. apud Haas, Archiv koruny české V, pag. 137, num. 220 — 1) Videlicet 8. Junii 1409 (vide Deutsche Reichstagsakten VI, pag. 592, num. 321) 418. ,Item providit [Alexander V. die Mercurii XVIII. mensis Decembris a. primo]s) monasterio s. Johannis in Insula ordinis s. Benedicti Pragensis diocesis, vacanti per obitum fratris [Alberti], ultimi abbatis, de persona fratris Chalbalonis (!)b), prioris (!)c) s. Joannis in Spelunca ordinis s. Benedicti." [Pistorii], 1409 Decembris 18. Istud extractum in libro e codice quodam archivi s. collegii transcripto (Arm. XII, 121 A), fol. 12, legitur. — 8) Suppl. ex litteris in eodem folio praccedentibus — b) Recte ,Chwalonis' — c) Recte ,prepositi'; conf. Lib. con- firmationum VI, pag. 242: „Johannes Kbel etc., quod cum nuper abbacia s. Johannis in Insula ord. s. Benedicti per mortem Alberti dicti ... vacavisset, fratres Martinus prior ... totusque conventus eleccione futuri abbatis celebrata nostram cum decreto sue eleccionis accedentes presenciam nobis humiliter supplicarunt, ut cum ipsi fratrem Chwalo- nem, prepositum s. Johannis in Spelunka, in abbatem dicti monasterii et ordinis ... duxerunt eligendum etc., quatenus eleccionem ipsam approbare dignaremur. Nos cridam in dicto monasterio fieri fecimus etc., prescriptam eleccionem de persona fratris Chwalonis etc. approbavimus dictumque fratrem electum in abbatem dicti monasterii confirma- vimus et confirmamus etc. Datum Prage a. d. 1408 die XXVIII. Aprilis.“ 419. Zbynkoni, archiepiscopo Pragensi, mandatur prohibere, ne in ecclesiis sive scholis regni Bohemiae articuli erronei quondam Johannis Wiklef doceantur vel approbentur neve in privatis locis civitatis Pragensis ad po- pulum praedicetur. Pistorii, 1409 Decembris 20.