237 283. Král Sigmund odvolává a srušuje darování neb zastavení statku kláštera Zbraslavského dříve od něho vydaná. 1422, 23. Augusti. Normberk. Sigismundus d. gr. Romanorum rex s. aug. ac Ungarie, Bohemie etc. rex X. notum facimus tenore presencium universis, quod licet alias quadam ardua necessitate constricti ad resistendum perversis conatibus et machinamentis hereticorum in Bohemia valide consurgencium, qui eciam sue immanitatis rabie fideles dei Christicolas tam morti tradentes atrociter quam in bonis funditus spoliantes, ecclesias dei demolientes, adeo de- bacchati sunt et adhuc in sua pertinacia perdurantes nomen Christianum eciam hodie conantur extinquere penitus non parcentes sexui vel etati, bona ecclesiastica tam Prag. ecclesie quam eciam aliarum ecclesiarum, monasteriorum et parochialium, cuiuscunque eciam condicionis existant, tunc certis personis proscripserimus et dederimus possidenda, sicut eciam bona monasterii Aule Regie ord. Cisterc. nos fecisse preterito tempore memoramur. Nos sentientes huiusmodi donacionem et alienacionem bo- norum eccl. in personas seculares quacunque occasione seu condicione factas tam a legibus quam canonibus fore irritas et inanes, nec debere subsistere seu valere, non per errorem aut improvide sed animo deliberato maturo omnium electorum sacri Romani imperii et aliorum multorum principum, comitum et communitatum imperii sacri et regni Bohemie communicato consilio prefatam donacionem et alienacionem de possessio- nibus monasterii prefati quibuscunque personis quacunque occasione, condicione seu colore factas authoritate Romana et Bohemie regia tenore presencium revocavimus, irritavimus, annullavimus, revocamus, irritamus, annullamus et nullius dicimus pronuncciamus et declaramus debere fore roboris vel vigoris, decernentes et volentes, quod honorab. abbas mon. Aule Regie una cum conventu suo eciam authoritate propria assumptis sibi ad hoc, si opus fuerit, suis fautoribus et amicis se de eisdem bonis sui monasterii omnibus et singulis, ubicunque eciam fuerint constituta, debeat et possit intromittere, tenere, utifrui et absque impedimentis cuius- cunque, eciam nostras literas habentis, seu alias cum violencia possidentis, ac eciam sibi pro recuperacione corundem bonorum tutores et adiutores eligere et recipere pro suo commodo, quociens sibi visum fuerit expedire. Presencium x. Datum Nuremberge a. D. MCCCC vigesimo secundo do- minico proximo ante festum s. Bartholomei apostoli, regnorum nostrorum anno Ungarie tricesimo sexto, Romanorum duodecimo et Bohemie tercio. Ad mandatum d. regis Franciscus prepositus Strigoniensis. (Vidimus privileg. Aulae Reg. v arch. Musea Česk. čís. 22. Otištěno ve Phoenix incineratus str L.)