ze starých desk zemských králowstwí Českého r. 1345—1419. 309 purgravio Pragensi, Johanne de Wesele, Johanne de Michalowic, Wankone de Warten- berg, Čenkone de Lipnice, Wilhelmo de Strakonic, Benešio de Děčin, Wilhelmo de Skaly, Hynkone de Walstain, Zbynkone de Liběšic, Tasone de Skuhrowa, Alberto de Kryr, Zbynkone de Hazimburg et aliis baronibus terrae, excellentissimus dominus Karolus, Romanorum et Bohemiae rex, per nuncium suum Reymundum de Kosto- mlat, tunc judicis curiae regis vices habentem, super haesitatione seu dubio contra, videlicet an is, qui filium cujuspiam indivisum a patre suo, nec etiam matrimonia- liter conjugatum, ad jus terrae evocaverit, eo non respondente vel nolente contu- maciter comparere, hujusmodi actor memoriales super suum jus dare debeat contra reum eundem vel non? per praefatos barones determinari et pro jure inveniri man- davit. Qui barones, super eodem dubio tractatu diligenti inter se praehabito, pro jure invenerunt, et perpetue duraturo statuerunt, quod hujusmodi filius, non conju- gatus nec divisus ab ipso patre suo, ad instantiam cujusvis, pro quacunque re seu causa ad judicium terrae fuerit evocatus vel citatus, donec divisus ab ipso patre suo vel conjugatus legitime fuerit, non debeat cuipiam in judicio respondere, nec etiam aliquis respondebit eidem, et per consequens memoriales praedicti super eun- dem non debeant nec per eundem contra alios debeant exhiberi. Ceterum ibidem per praefatos barones pro jure fuit inventum et inconvulse perpetue statutum, ut nullum juris praejudicium seu nocumentum ex hoc oriatur vel oriri debeat, si quis in hereditatibus suis per donationem, emptionem, unionem cum aliis vel alio, seu testationem, vel quovis modo seu titulo alio acquisitis, exceptis duntaxat hereditati- bus in foro judicialiter obtentis, cum camerario a beneficiariis Pragensibus dato infra tres annos continuos et sex septimanas a die assecutionis hereditatum earundem non fuerit dominatus, quorundam prava adinventione seu consuetudine dominationis praedictae, quae potius corruptela dicenda est, quae in talibus servabantur, non ob- stante; quam quidem adinventionem pravam praedictorum, seu dominationem prae- tactam, saepe fati barones cassaverunt irrevocabiliter et etiam annullaverunt, cen- sentes eandem dominationem nullius esse ammodo efficaciae vel momenti. Rajgr. 14a). 180. 1419, 17 Nov. In memoriis, in Albo citationum. Domini barones infra scripti et alii, qui cum eis tunc praesentes fuerunt, mandaverunt beneficiariis, ut nullam obligationem seu aliam intabulationem faciant seu admittant tabulis ex parte civium ad aliquam personam quamcunque super here- ditatibus eorum liberis, usque adventum domini regis; domini barones Čenko de Wartmberg et de Weselé, supremus burgravius Pragensis, Alšo Skopek de Dubé et de Dražic, supremus camerarius, Albertus de Koldic et de Bieliny, judex tabularum