77 — optavimus, hoc est enim illa dies omnis felicitatis, qua Deus omnipotens ex solita clemencia visitavit ecclesiam suam sanctam, quam preciosissimo sangwine suo dedicavit. Nam pridem, scilicet dominica die ante festum Purificacionis beate Marie virginis1, venerunt ambasiatores sanctissimi domini nostri Eugenii pape et Venetorum, portantes bullam plenissime adhesionis et confirmacionis sacri concilii, in qua eciam confitetur, a prin- cipio fuisse concilium sacrum legitime inchoatum, in qua bulla eciam revocat dissolucionem ipsius concilii ac omnia, que contra sacrum concilium et eius supposita et eidem adherentes fecerat, et misit suos presidentes, ex quibus reverendissimus dominus meus legatus principalis erit. Ipsis ambasiatoribus intrantibus, dominus imperator cum omnibus principibus et nobilibus ivit eis obviam, et ex parte concilii multi episcopi et prelati, et introducti fuerunt cum magna solempnitate. Deinde in die Purificacionis2 fuit convocatum concilium, et bulla fuit lecta et data ad examinandum, an sufficeret; et compertum fuit, quod papa satisfecit in omnibus, que sacrum concilium petivit. Deinde feria quinta sequenti in generali congregacione et in presencia imperatoris ambasiatores pape eam presentaverunt cum pulchra collacione, petentes per sacrum concilium declarare per decretum, papam satisfecisse sacro concilio. Deinde feria sexta4 de mane facta fuit processio solempnis, in qua domini cardinales episcopi et prelati solempniter et infulati incesserunt et imperator in maiestate sua, coronatus et stipatus principibus et militibus. Deinde habita est missa solempnis de Spiritu Sancto et deinde sessio, in qua factum fuit decretum publicum, papam satisfecisse; cuius decreti una cum aliis litteris apostolicis vestris paternitatibus copiam hic inclusam transmitto. Et sic per Dei infinitam clemenciam facta est pax inter sacrum concilium et papam. Completa sessione totum concilium una et alta voce incepit decantare canticum leticie „Te Deum laudamus“, continuando alternatim in organis et vocibus. Qualis ibi fuerit leticia et iocunditas et effusiones lacrimarum a multis, non est possibile scribere. Hiis omnibus completis, dominus imperator coram summo altari, ubi in maiestate sua sedit, istos Venetos percussit in milites, qui laboraverunt aput papam multum pro adhesione et concordia. Quapropter, dilectissimi patres et fratres, gaudete et exultate in Domino Jesu Christo, qui suam sanctam ecclesiam sic gloriose exaltavit! Nam maior victoria ab origine nascentis ecclesie nunquam visa est, quam illa, qua auctoritas et potestas ecclesie ita triumphavit et vicit suos adver- sarios. Hoc est, quod ecclesiam iuvabit usque ad finem seculi. Hinc est quod concilia futura omnia perpetuis temporibus roborata et confirmata 1 Januar 31. 2 Februar 2. 3 Februar 4. 4 Februa 5