69 Item in die S. Trinitatis 1 hat sich der tag vnd die tractät zý Prag angeuangen vnd hat gebert ain mönet oder mer. In der zeit habent ambasiatores concilii vil güter sermones getan, damit sy die erstockten hertz zv andacht vnd zv kristenlichem glauben erbekchen möchten, vnd sunder auf die vier artikell, die dy Beheim in concilio zô Basel vnd auch ze Prag fürgelegt haben. Vnd aus aller fürlegung vnd antburt, die geschehen ist in dem concilio zý Basel vnd auch zô Prag, hat sich am lesten erfunden, das nicht grosse irrung mer ist von der dreyer artikell wegen, möcht es nur schlecht werden vmb den vierden artikell de communione sub utraque specie. Item die täding habent so lang vnd so vil tag gebert, das die lant- schaft gar ein gross verdriessen het vnd sprachen all gemainklich, sy wolten noch môchten nicht lenger beleiben, sy verzerten vil gûtz vmbsünst, vnd sy wolten doch den artikell de communione sub utraque specie durch kainerlay sach wegen vallen lassen, ee wolten sy all sterben etc. Vnd damit wolten sy ainen aufbrüch getan haben an als end. Do begerten ambasiatores concilii, das man in vor der ritterschaft audienciam gäb; das ward in erlaubet. Also nummen sy die ritterschaft auf ein ort vnd ermoten") sy gar ernstlich, vnd andern worten redten sy mit in also: Ir edell herren etc. ritter vnd knecht! degenkchta) daran, das ir die vödrissten seyt in dem kûnigreich z� Beheim vnd ew billich zvgehört, das ir das kûnigreich aufhaldet. Secht an die gross er vnd wird, darinn das kûnigreich vor zeiten gebesen ist, vnd das ir nû dauon kommen seyt; wann die, dy ew vormaln zv dienern hart versmacht hieten, die sind yeczo ewr herren worden. Darz" seyt ir selb irr vndereinander in dem glauben, wann wir haben warlich funden vnder ew, das die von Prag iren besundern glauben, die Taboriten iren besundern glauben vnd die waysen iren besundern glauben haben, vnd habt auch in allem kûnig- reich z� Beheim kain gelertew person, die ew in dem glauben erbeysen kunn oder můg, vnd gebingt der ye lenger ye minner, wann die, dy ire kinder vormalen z� der schûl geschikcht haben, die schikchen ire kinder yeczo zum vechten. Dar vmb so ist unmůglich, das gût kristen in dem kûnigreich z� Beheim mügen gesein oder werden; nur ir trachtet, das ir gelert lawt z� ew nemmet. Dar vmb, ir edell herren etc. ritter vnd knechtt, lasset ew kristenlichen gelauben beuolhen seyn, als ewrem adell billich zýgehôrt, vnd seyt darob, das sich die lantschaft nicht entrenn, vnd das wir frid vnd ainikait machen etc. Darauf antburtt die ritterschaft: môchten sy ain weg erdenkchen, dardurch in concilium communionem sub utraque specie erlaubet, so a) so ! 1 Juni 7.