62 1424 Longpetr et Nicolaum Czeidler de Druzendorff laycos — ad nostram peremptorie citetis presenciam, — ut proxima feria quarta ante festum Natiuitatis Christi nunc proxime venturum coram nobis in Zittauia in domo honeste d. Margarethe dicte Jesskwyczin mane hora terciarum compareant personaliter, pro- curatore non obstante, testimonium super materia suprascripta perhibituri veritatis —. Dat. Zittauie a. d. M'CCCC X XIII°, die XVI mensis Dec. nostro sub sigillo. Item tenor littere remissionis — est talis : Venerabilibus viris dd. vicariis in spiritualibus — Petrus in Fridricivilla plebanus oraciones — Venerabiles domini. Litteras commissionum — vestras — me — noueritis recepisse. Quarum — vigore procedens a quatuor testibus, per meas litteras citacionum euocatis, ad ymaginem crucifixi Saluatoris domini nostri Ihesu Christi de ueritate dicenda corporalia re- cepi iuramenta, eosdemque testes super materia suprascripta vnacum Philippo de Micolowicz, notario publico, per me ad hoc assumpto in termino in littera citacionis expresso, videlicet a. d. M'CCCC XXIII°, feria quarta ante festum Natiuitatis Christi, que erat dies XVI mensis Decembris, secrete et sin- gillatim examinaui, quorum testium dicta vniuscuiusque nomi- natim et specifice in scriptis redacta et presenti mee littere remissionis vnacum littera commissionis seu inquisicionis vestra necnon littera citacionis a me emanata ac debite executa inter- clusa, clausa ac sigillo meo sigillata vestris venerabilitatibus duxi remittenda —. Dat. in Zittauia a. d. M°CCCC XXIII°, die XXII mensis Dec. Item tenor atestacionum talis est: Ego Philippus de Micolowicz, clericus Olomuc. dioc. no- tarius publicus, testis infrascriptus a. d. M'CCCC XXIII°, feria quarta proxima ante festum Natiuitatis Christi, que fuit dies XVI mensis Decembris, vnacum commissario examinaui: Circumspectus Petrus dictus Longpetr de Druzendorff, laycus in statu matrimoniali constitutus, annorum etatis sue, ut creditur, quadraginta, habens in bonis suis propriis, ut credit, pro decem marcis grossorum zittawiensium, interrogatus, vtrum sit informatus uel an concordauerit cum contestibus suis de deponendis, respondit, quod non. Deinde iuratus et interrogatus, an pro vniuersis decimis, quas — prior et monasterium in Owin de agris curie ipsorum in Druzendorff plebano et ecclesie in Witichindorff annuatim dare et soluere consueuerunt seu