1431 169 Wyssoczan. — Anno quo supra die vltima Marcii data est crida d. ... de . .. presbytero Prag. dioc. ad eccl. in Wys- soczan, per mort. Bartholomei institoris vlt. rect. vac., ad present. d. Nicolai, abbatis in Ossyek. Exec. pleb. in Ponte, quia tutus accessus non est ad eccl. in Wyssoczan. G, VII. — Littera d. Cunczonis, episcopi Olomu- censis. Cunczo, dei gracia episcopus Olomucensis, administrator archiepiscopatus eccl. Prag. in spiritualibus et temporalibus generalis, vniuersis et singulis Christi fidelibus litteras huius- modi inspecturis salutem in Domino sempiternam. Congruum censemus et consonum racioni, vt incumbencia nobis onera, que personaliter subire nequimus, per viros ydoneos supportari et, quantum comode possumus, salubriter exerceri procuremus. Ex certa igitur nostra sciencia et spontanea voluntate omnibus melioribus modo, via, iure, causa, forma et ordine, quibus melius et efficacius possumus et debemus, citra tamen reuoca- cionem quorumcunque per nos hactenus ordinatorum vicariorum et officialium nostrorum, venerabiles et circumspectos viros dominos Simonem de Nymburga, decretorum doctorem, et Jo- hannem de Duba, canonicos ecclesie Pragensis, absentes tam- quam presentes et quemlibet eorum insolidum, de quorum sciencia, legalitate, circumspeccione, probitate, industria et ex- perta diligencia singularem in Domino fiduciam obtinemus, no- minamus, eligimus, facimus, creamus, constituimus ac tenore presencium solempniter ordinamus veros, certos, legittimos et indubitatos nostros et ecclesie Pragensis predicte eiusque curie officiales et in spiritualibus vicarios generales et speciales, ita tamen ut specialitas generalitati non deroget nec econtra, dantes et concedentes eisdem dominis Simoni et Johanni et cuilibet ex ipsis vicariis et officialibus nostris plenam, liberam et omni- modam potestatem ac mandatum speciale omnes et singulas causas, questiones et lites ecclesiasticas, prophanas, criminales, ciuiles et matrimoniales tam de iure quam de consuetudine ad nos et forum nostrum spectantes et quouis modo pertinentes, que ad nos et ecclesiam Pragensem predictam ac officialatus eius curiam tam per appellacionem seu delegacionem quam alias qualitercunque delate sunt, quasque deferri continget quomodolibet in futurum, ac querelas quorumcunque nostrorum et dicte Pragensis ecclesie subditorum, ecclesiasticorum et se- cularium, tam ex officio quam eciam ad parcium instanciam audiendi, examinandi, cognoscendi, decidendi ac per sentencie seu sentenciarum interlocutoriarum et diffinitiuarum prolacionem et alias, prout rei qualitas poposcerit, fine debito terminandi,