267 Electi Olomucensis ecclesie, et Hinconis Berce de Duba, domini in Lypa purchrauij Pra- gensis, regni nostri Boemie Capitanei, eis villas Crenouicz et Cessan ac medietatem ville Ciesczyn, in Morauia sitas, que post mortem domini Conradi Olomucensis quondam episcopi, ad nos, heredes et successores nostros Reges Boemie, omni iure deuolute sunt, cum omnibus iuribus et suis pertinencijs vniuersis, de nostra liberalitate Regia damus, conferimus, gratuite et donamus, per eos, heredes ipsius Hinconis Berce predicti et successorum eorum, iure hereditario et perpetuo possidenda, adiungentes expresse, quod ipsi Hinco predictus Electus Olomucensis ecclesie, et Hinco Berca predictus, et sui heredes, vel successores eorum, plenam auctoritatem et posse habeant, dictas villas seu bona in toto et in parte qualibet vendendi, donandi, obligandi, et permutandi, sub iure prenotato, Et quicumque aput eos dicta bona in toto vel in parte aliqua emerit, huic dare promittimus super empcione huius- modi bonorum nostras litteras patentes, maiori nostro sigillo roboratas, In cuius rei testi- monium presentes fieri, et nostro maiori sigillo iussimus communiri. Datum Prage anno domini M°.CCC°.XX°.VII°. secunda Kalendas Junii. (Ex Orig. in archivo capituli Olomucensis desumsit Ant. Boczek.) CCCXLII. Johannes, rex Bohemiæ, donat ad intercessionem Bavari, abbatis Brewnoviensis, monasterio Raygradensi provinciale judicium tam in causis pecuniariis quam capitalibus per omnes districtus ad dictum monasterium R. spectantes. Dt. Pragœ, VII. Idus Junii 1327. Johannes dei gracia, Boemie et Polonie rex ac Lucenburgensis comes, omnibus in perpetuum. Omnipotentis dei clemenciam erga nos, tunc incitare confidimus, cum quibus- libet piis locis nostram munificentiam impertimur, et satagimus, ut cultus iusticie nostris temporibus observetur. Ea propter ad venerabilem virum fratrem Bavarum abbatem devotum nostrum dilectum et conventum, ac ipsum sacrum cenobium in Brewnow prope Pragam ordinis sancti Benedicti, regularem observanciam que viget ibidem, divini nominis cultum, ac alia opera pietatis, nostre mentis aciem convertentes, devotis nostris .. preposito . . fratribus ac monasterio in Reigrad Olomucensis diocesis, quod tamquam membrum dicti cenobii Brewnoviensis, ad ipsum in spiritualibus et temporalibus spectare dignoscitur pleno iure, provinciale iudicium per omnes districtus ad dictum monasterium Reigrad spectantes, tam in causis pecuniariis quam capitalibus seu criminalibus sive mutilationis. sive mortis cuiuslibet, divine remuneracionis intuitu plenissimo iure contulimus et conferimus tenore pre- sencium litterarum. Inhibentes districte dilectis nostris fidelibus capitaneo per Moraviam, seu beneficiariis per districtum. Brunensem, seu iudicibus et iuratis quibuslibet ne de malefactoribus, qui in dicti monasterii districtibus Reigradensis captivati fuerint, seu in ipsis moram traxerint vel habitaverint, seu alias dicti monasterii homines fuerint captivati aliquando .. iusticiam seu iudicium faciant in personis ipsorum seu rebus, sed ante omnia illi vel illis personis religiosis vel secularibus quibus dicti prepositus et conventus Reigradensis dictum iudicium commiserint, dicti malefactores presententur et ab hiis iusticia fieri postuletur, et quod in 34*