111 cum si sic stricta fuisset eiusdem predecessoris intentio, ubi posuit de possessionibus quibus- cumque et alijs bonis eorum, solumodo de noualibus posuisset. Volumus et presentium auctoritate decernimus, quod interpretatione predicta aliquatenus non obstante ad prestationem decimarum quarumcumque possessionum et bonorum nostrorum, que in presenciarum obtinetis et iustis modis dante domino potueritis adipisci siue decimalia dudum extiterint siue non, decimalia per dictum Episcopum et Rectores, uel quoscumque alios non possitis contra eiusdem indulti tenorem aliquatenus coartari, cum huiusmodi concessionibus et graciosis indultis, ut priuilegium non censeatur inutile, sit benigna interpretatio facienda. Nulli ergo omnino hominum liceat hanc paginam nostre uoluntatis et constitutionis infringere uel ei ausu temerario contraire. Si quis autem hoc attemptare presumpserit indignationem omni- potentis dei et beatorum Petri et Pauli Apostolorum eius se nouerit incursurum. Datum Auinione VIII Idus Augusti, Pontificatus nostri anno Secundo. (Orig. membran. cujus sigillum avulsum est, in archivo ejusdem monasterii apud C. R. Gubern. Brunæ sub lit. P. CXL. Johannes, rex Bohemia, confirmat civibus Olom. privilegium regis Wenceslai ab a. 1291. super exemtione a solutione thelonei in Litovia et Kojetin, super jurisdictione intuitu possessorum per ipsos bonorum terrestrium, aliisque libertatibus. dto Bruna. VIII. Idus Septembris. 1318. Johannes Dei gracia Boemie et Polonie Rex, ac Lucemburgensis Comes, Dignum et iustum est, ut preces fidelium nostrorum, quos fidei puritas et zelus deuocionis Nobis efficit placidos et acceptos, benevole audiamus, et eas ad exaudicionis benigne graciam fauorabiliter admittamus. Noscant igitur harum serie tam presentes quam posteri uniuersi, quod fideles nostri dilecti Ciues Olomucenses exhibuerunt nobis quoddam Priuilegium felicis memorie Domini Wenceslai quondam Regis Boemie Soceri et predecessoris nostri Karissimi, eis per dictum Regem graciose concessum, supplicantes nobis humiliter et deuote, ut idem priuilegium ipsis innouare, ratificare et confirmare de benignitate solita dignaremur. Erat autem dictum priuilegium non abolitum, non abrasum, non cancellatum, non corruptum, nec in aliqua parte uiciatum, sed in prima et integra sui figura consistens, cuius tenorem ut de ipso certitudo plenior imposterum habeatur inseri fecimus, qui talis est: Nos Wenceslaus etc. usque Datum Olomucz Anno domini MCCXCI°. IV. Idus Aprilis. Indictione prima (Vide T. IV. p. 375. n. CCXCVI.) Nos uero attendentes sinceritatem deuocionis et fidei, quibus erga Nos supradicti Ciues Olomucenses viguerunt iugiter, et nunc vigent, et speramus eos laudabiliter vigere in futurum ac uolentes quod premissa omnia et singula eo magis illibata persistant, quo firmius nostro fuerint presidio communita, ipsorum Ciuium supplica- cionibus inclinati, prenotatum Priuilegium et omnia et contenta in ipso, rata habendo et grata auctoritate regia et ex certa nostra sciencia ratificamus, innouamus, confirmamus, et presentis scripti patrocinio communimus, omnem defectum si quis ex quacumque causa in dicto privilegio, uel his que continentur in ipso, forsitan interuenerit, supplentes de Regia