Ich Matheis von Ror bekenn, als ich dem hochgebornen fürsten herczog Albrechten cze Österreich etc., meinem genädigen lieben herren, yeczund hie cze der Ygla gesöldent hab die füschnecht von der Etsch, der da sind sechczick auf ain halbe quatember, die sich wirtt enden des suntags vor dem faschangtag schierist künftig, so ist aim yeden füschnecht die halb quatember cze sold benennet zwaÿ phunt dreÿ schilling fünfczechen phennig, das in sum bringet hundert sechs und vierczick phunt und sechczick phennig, also hat der vorgenante mein genadiger herr die vorgenanten fuschnecht die halben quatember gancz ausgericht und beczalt und sag in darumb genczleich quit, ledig und los. Mit urkund, geben cze der Ygla am phincztag nach der heyligen dreÿ künig tag anno domini etc. vicesimo tercio.