Vnsern fruntluchen grus erber vnd besunder lieben! Wir verchunden euch, wye das vnsers gnadiges herre des kunigs priff vns pracht sind warden, darynne sein gnad pewtt vnd schafft, das ir der kunigyn von Pöhem in ewer statt ein haws, welchs ir vnd den iren gefellüchleych ist, sold rawmen vnd darynne sold lassen syttzen alslang vncz an vnsers gnadiges herre des kunigs willen vnd tut in den stukchen nicht anders, sunder noch dem gepot vnd gehayssen vnsers gnedigen herre des kunigs, als lieb euch ist seiner gnad czoren meyden. Auch lass wir euch wissen, das vnser feynd, dy posen hussen, nür ein meyl wegs von Presburk ÿczund lygend vnd maynent vns vnd der stat schadluch sein, als sich das wol von yn erweyst mit dem prannt ze rynng vmb. Geben ze Prespurk, am Aschtag. Jorig von Rozgon, hawpman ze Prespurk.