Commissio propria domine regine.

Barbara, von gots gnadn Römische und ze Hungern et cetera künigin. Edler besunder lieber getreuer! Als wir dir am nechsten haben verschriben, wie alle sachen zwischen unserem gnedigen herren dem keiser und seinem widertail mit hülf und willen des almechtigen gots wol beslossen und guet end haben genomen, und hinfür nicht bedarfest sorgen, das du von ymanden verdacht möchtest in den sachen werden: davon wir dich früntlich ermanen, dir auch raten, das du an lenger verziehen keiserlich gnad und uns besuechest, wann wir hofen, das du keiserlich gnad in solichem wesen und gueter muesz yzund vindest, das du all dein notdurft und sachen mit seinen gnaden wol magst volenden. Geben zu der Igla am nechstenfreitag noch sant Jocobs tag, anno domini et cetera tricesimo sexto.